تجمع الأمل(فال الحمال)38للمقدمات على عملية اطفال الأنابيب والمنتظرات نتيجة التحليل

خواتي في الله كيفكم مالي غيركم بعد الله انا مرره محتاره ودي تشورون علي استشارت من اهلي وماعطوني رايهم لنهم مو فاهمين السالفه صح لني مقدر اقولهم على كل شي
السالفه حبايبي هي اني لي تجربتين اطفال انابيب فشلت بمدينة الملك فهد وكانت اخر تجربه لي بشهر اربعه والموعد الجاي علشان اقابل الدكتوره نهاية شهر ثمانيه وطبعا رمضان مافي عمليات عندهم يعني تستنين لين شهر عشره وانا احس عمر يبيروح وانا على المواعيد طبعا المشكله مني عندي التصاق مدري انسداد بالانابيب يعني مافي مفر من اطفال الانابيب الا برحمة ربي
طيب فكرت اروح للحبيب واسوي عندهم خلال هالصيفيه مدامنيي فاضيه بس اكيد اهلي واهل وجي بيحسون بسفراتي وبيشكون
سمعت عن دكاترة الاردن وتفوقهم وفكرت اروح للاردن سياحه وعلاج في نفس الوقت لامن شاف ولامن درى
زوجي يقول كملي بالمدينه لين نشوف نهايتها معهم يمكن تصيب هالمره ويرزقنا الكريم
واحسن انه هالفتره تنزلين العشره الكيلو اللي زدتيها وتجربين الحجامه وبعد العيد نبدا من جديد
بس انا ماعندي صبر احس العمر راح وانا على المواعيد ومااقدر اروح للاردن الا بالصيف لنه زوجي مدرس وماعنده اجازه الا بالصيف شهرين كامله
هاه وش تشورون علي

سلام اختي
حبيتي كلي الى نفسك فيه . أكل مسموح وممنوع هدا كله كلام فاضي . أنا أقرا كثير وأدخل منتديات اجنبية , ماعندهم الخرابيط هادي , لا أكل ولا الحركة تلعب دور في ثبات الأجنه. اللهم اول الأيام بعد الترجيع الحركة تكون أقل وبعدين عادي من غير تعب وحمل أشياء ثقيلة.

بعد مايكون الجنين في الرحم كل شئ يعتمد على رب العالمين. توكلي على الله ولا تلومي نفسك لفشل المحاولة السابقة . ماكان مكتوب لك الحمل ***** الله هالمرة يصير.