هل يجب على زوجك انو يسجلك املاك باسمك او يفتحلك حساب خاص بالبنك

الوحدة لما يكون زوجها مرتاح ماديا تطلب منو يسجلها شي باسمها ؟ متل بيت او سيارة او فلوس بالبنك
هاد طلب طبيعي او لاء

لانو الوحدة احيانا بتخاف من المستقبل و بتخاف انو زوجها لو تركها باي لحظة تطلع بلا شي

كيف تطلبي من زوجك هيك طلب و تقنعي فيه بشكل ما ينفر من طلبك

و لو كان زوجك يشتغل شغلة و انتي يلي تسوقيها و تساعدي فيها و لما يربح لازم يعطيكي نص الربح و لا هو كل شي باسمو لانو هو الرجال ؟

شو رأيكن

انا بحس انو لو في شي باسمي بشعر بالامان انو لو تركني بأي لحظة عندي شي كبير انسند عليه
لانو البنت تضيع شبابها مع زوجها و يصعب كتير عليها لو يرميها بعد هل شي

او مو موضوع يرميها بس الوحدة لما يحس زوجها انو مالها مصدر غيرو يصير يتحكم فيها لانو يعرف انها بحاجتو و هي في هل حالة تضطر تسمع كلامو

اما لو الزوجة عندها شي باسمها يشعر انو ممكن تستغني عنو لو يسئ لها لانها مو بحاجتو فيصطر انو دائما يكون منيح معها

انا ما بحب كون مضطرة اسمع كلام زوجي لانو مالي حدا يصرف عليي غيرو

عشان هيك بلاقي انو امتلاك الزوجة للاموال مصدر قوة تقدر بأي لحظة تستغني عن زوجها لو اسألها

لذلك الرجال دائما يحرص انو ما يخلي مرتو تملك بالغ كبيرة او شي باسمها مشان ما تتمرد و يقدر يضل دائما مسيطر عليها و تسمع كلمتو اجباري