شاركي في النقاش

سجلي الدخول لإضافة تعليق.

التعليقات

17
  1. @mzn_alshmal

    انا بكتب لك من تجربه بما اني دائما اسافر و اجازاتي تقريبا من اسبوعين لشهر بس مو اكثر
    لذلك هالسنوات اللي مرت اخذت منها درس
    أولا اذا الشنط حقتك هي الطقوم المعروفه خذي اكبر وحده فيهم و قسميها عدل حتى ما تحوسي نفسك يوم تجين تدورين على الاغراض او ترتبينهم
    يعني مثلا خليها ثلاث اقسام
    الجزء الايمن للتنانير وبما اني ما البس بنطلونات عند اهل زوجي فأنتي استبدليهم باللي تشوفيه
    اسبوعين يعني محتاجه 6 تنانير ملونه و اهم شي الاسود لانه يمشي مع كثير من البلايز__ عباية احتياط غير اللي تلبسينها
    والجزء الثاني البلايز احاول احط من كل لون حبه و ما يتجاوز 8 او 10 لانه فيه ايام راح البس فيهم جلابيات
    والجزء الثالث اخليه للجلابيات يعني ثلاثه من الكشخات يكفون ولبس البيت 2 -3و طبعا قمصان النوم و بيجامتين او ثلاث
    أما الملابس الداخليه خصصت كيس ساتان متوسط الحجم اخلي فيه 8 او 10 غيارات مطويه بطريقه ما تاخذ مكان مع 2 ستيان ابيض 2اسود
    و كيس ثاني اخلي فيه فلات ملون و جزمه بيضاء و جزمة سكري و طبعا بكون لابسه برجلي اللون الاسود
    وشرابات داخل الجزم حتى ما تاخذ مكان
    وشنطة صغيرة للمكياج تكون داخل الشنطة الكبيرة فيها محددات و ارواج الالوان الاساسيه اللي تناسب الملابس اللي اخذتهم وطبعا واحد اساس و واحد بودرة و مسكرا و كحل و استشواري الصغير مخصصته للسفر و كم حبه من البكل والبنس بس مو كل درج المكياج اشيله معي
    والعطور واحد بشنطة اليد يكون هادي و ناعم للاستخدام العادي و 2 مركزات و واحد دهن عود
    و كريمات الوجه و اليدين ومزيل المكياج برضوا في شنطة المكياج
    و شنطه صغنونه ثانية للاكسسوارات و الساعات و ما اكثرهم
    اما الذهب فهو بشنطة يدي و مستحيل اخليه مع الشحن
    شنطة اليد فيها قلم روج و محدد و كحل و بودرة مضغوطة و محفظه و معقم يدين و علكة و الذهب داخل كيس خاص بالذهب و مفاتيحي
    وكيس مناديل و مشط صغنون

    طبعا لا تنسي زوجك خلي له اصغر شنط الطقم و خلي فيها احتياجاته و غالبا خمس قطع من الملابس الداخليه من كل نوع مع عطوره المفضلة و بجاماته .... وباقي احتياجاته

    اتمنى اكون ساعدتك و ادعي لي بالذرية الصالحة عاجلا غير آجل

تابعي تجارب أخرى من هذا القسم.