خياناته

السلام عليكم
بنات انا مالي شهر متزوجة وساكنة مع اهل زوجي
المهم زوجي له اغراض بغرفته ايام العزوبية والغرفة مشتركة مع اخوه
وفي كل مرة طالع نازل يجيب اغراضه
قلت خلاص بما ان اخوك مسافر انا اروح واجيب كل اغراضك وارتبها قال اوك وبجي معك
ودخلت الغرفة وارتب اغراضه واحوس
والا احصل له صور مع بنات :44::44:
وسحب مني الصور وقال هذي لاخوي قلت الوجه وجهك
وعصب علي وطردني من الغرفة وطلعت
وجلست ابكي بغرفتي وجاء يراضيني ومارضيت باقي غصة بقلبي
بنات وش الحل
وهالسالفة صارت امس بالليل وللحين مانمت :(
بس لاتقولون طلاق اهلي ماااايتقبلون فكرة طلاق الا بعد مايشوفون بيني وبين الموت خطوة

25 تعليق 1,676 مشاهدة

شاركي في النقاش

سجلي الدخول لإضافة تعليق.

التعليقات

25
  1. لا حبيبتي لا طلاق ولا شي
    تعوذي من الشيطان واقري سورة البقره واستحمي لين يزول غضبك بأذن الله

    ولا تواخذين زوجك على اخطائه قبل الزواج
    يمكن تاب ومن تاب تاب الله عليه حاولي تنسين الموضوع بس مهوب دفعه وحده حسسيه انك تأثرتي بس بدون لا تقلبين الجو كله نكد
    عشان بس يحس انك ما ترضين هالامور وهو يحس بشعورك ويكون على قد مسؤليته ..
    فا انصحك ان لاتأججين المشاكل
    وكوني هادئه وتعاملي مع الموضوع بطريقه عقلانيه
    واياكي وكلمة طلاق
  2. @anthyna_3

    صاحبة الموضوع
    مشكورة ياقلبي بس لي شهر متزوجة ماادري اذا تاب ولا لا
    وخاصة اننا ببيت اهله مو متقاربين
  3. اعتقد انها صوره قبل الزواج
    اللي عليك انك تحتوينه هالفتره وتحاولين تتقربين منه اكثر
    ولاتحاسبينه على ماضيه وقولي له انا ماراح أحاسبك على ماضيك أنا بحاسبك على الحاضر

تابعي تجارب أخرى من هذا القسم.