شاركي في النقاش

سجلي الدخول لإضافة تعليق.

التعليقات

57
  1. @am_thlath_zmrdat

    انا موظفة وبالتأكيد راح يكون فيه عدم توازن بس يمكن ظروفي الاجتماعية مساعدتني مو زي ظروفكم
    بالنسبة للمادة انا الحمدلله زوجي مو مقصر بس فيه اشياء وكماليات ودك تجيبينها وزوجك مايكون متوفر معاه .. ثانيا الوظيفية بالنسبة لس ضمان للمستقبل ... الحمدلله بعد ماتوظفت حسيت ان هيبتي زادت عند زوجي وحتى عند الاخرين صرت اجيب اللي نفسي فيه لكن طبعا الضروريات من مسؤلية زوجي .. لكن تعرفين لو احد من اخوانك تزوج او احد من اقاربك ولدت وتبين تجيبين هدية تبيض الوجه صعب تطلبينها من زوجك لكن الحين بعد ماصار لي مال خاص فيه صرت اجيب واشتري بدون ماطلب...
    طبعا كذابة اللي تقول اني موفقة بين بيتي وزوجي وعملي وحتى لو كانت موفقة فأكيد بيكون على حساب نفسها..لابد يكون فيه تقصير اذا الرجل يقصر في بيته لابد يكون تقصير المرأة العاملة مضاعف .. لكن يبقى ان يكون فيه تنازلات..
  2. @abtkarhoaaa

    انا موظفة وماعندي خادمة والحمدلله موفقه بين الوظيفة ومسئولية المنزل بس ع حساب صحتي ونفسيتي
    اما الوظيفة ماراح باذن الله اخليها حتى لو زوجي يملك كل شي لانها امان المستقبل
  3. @sdf_8

    انا متزوجة وموظفة تعبانة خالص التوفيق بين البيت والوظيفة والزوج مسئولية صعبة بحاول انجح بس اكيد على حساب صحتك واهتمامك بنفسك وحتى واجباتك الاجتماعية واتمنى زوجى ربنا يوفقه ويوسع رزقو ويكرمنى بالذرية الصالحة والله فوراً بترك الوظيفة وارتاح واتفرغ لتربية اطفالى والاهتمام بزوجى .
  4. @the_one78

    الميزة في المراة اللي مش موجودة في الرجال انها تقدر تسوي multi tasking
    يعني تقدر تبدع في اكثر من مجال
    يعني شوفي الواحدة تكون توها جاية من الدوام وتدرس بنتها ويجي ولدها يبغاها تشغل له الكمبيوتر وبنتها الصغيرة معلقة برجلها تصيح وزوجها يقول لها صبيلي الشاهي وفي اذنها سماعة التلفون تكلم امها وتسوي كل شيء في نفس الوقت هههههههههههههه لما زوجي يشوفني كذا يقول لي (انتي سوبر وومن)!! ما شاء الله!
    الرجال شوفيه مسكين لما يقرا الجريدة لازم سكووووووووووووووووووت عشان يركز ههههههههه
    بالعكس احس الحرمة اللي تشتغل تجيها تانيب ضمير وتحاول تعوض عيالها وزوجها باهتمام اكثر
    طبعا هذا مش معناه انها ما راح تتعب اكيد شيء عادي بس احسه التعب الحلوووووووووو اللي يجي بعد الاحساس بالانجاز!!! اموووووت في هالاحساس بالذات لما يجي اخر الليل وانسدح على كنبة وهو منسدح على كنبة ونناظر بعض ونضحك هههههههههه واحلى احسااااااااس لما انام وانا على الكنبة بدون ما احس! ههههههههه
    يكون يومي مثل يومه (كل واحد فينا أنجز شيء) وفي سوالف جديدة بيننا ونشوف ناس ثانيين نخالط مجتمعات غير اهلي واهلك والجارات وبس وتمون اوقاتنا متقاربة (هو يقوم بدري للدوام وانا اقوم بدري, يعني يجينا النوم بنفس الوقت مش هو جاي من الدوام وانا توي مالي ساعتين صاحية انا فايقة ورايقة وهو تعبان وبالليل هو نعسان انتهى يومه وانتي لسه قدامك سهرة صباحية ويالله من هنا تبدا المشاكل لانك تبيه يسولف وانتي رايقة وهو تعبان وتبيه يطلع معاكي وهو لسه ما ارتاح)
    وبعدين صدقيني مجرد احساسه ان زوجته لها عالم خاص فيها وشخصية مستقلة عنه لما تروح دوامها وانها ما تدور في فلك زوجها وبس يحس انها قوية وثقتها عالية وتكبر بعينه ويحترمها ويحس لها كيان.
    حتى انتي تحسين اذا جيتي البيت تبين ترتاحين في مملكتك مش زهقانة منها. وبعد الراحة تحسي ودك تسعدي زوجك لانك مشتاقة له. وانتي بالبيت تحسي بس تفكيرك متى يجي متى يدخل اتاخر ما جا واذا جا شوي وانتي خلاص. بس وانتي برا تكونين لاهية عنه بشغلك تجي للبيت مشتاقة له هو والبيت.
    حتى تصير المشاكل التافهة اللي بينكم تنقرض لانك مش فاضية ذهنيا انك تقعديله على كل صغيرة وكبيرة.
    في البداية حيكون جدا صعب التوفيق بين البيت والشغل بس لازم تقعدي مع زوجك قعدة محترمة تشرحيله فيها الوضع وتقوليله لازم تتحمل في البداية لين اتعود على الوضع ولازم توقف معايا لان هالشيء اولا واخيرا في مصلحتك انتي زوجته وام عياله وكمان في مصلحته هو سواءا ماديا او معنويا (اشرحيله كل اللي قلت لك اياه وهو راح ينبسط هههههههههههه لان الرجال يبون الفكة من الحنة والكلام الكثير والنكد) لازم في البداية يصير فيه تقصير لين انتي تتعودي وهو يتعود ويصير عندك جدول ومرتبة نفسك.
    بالنسبة للعيال بالعكس احس صرت اقعد معاهم اكثر من اول ورايقة لهم اكثر لاني احس بتانيب الضمير اذا هم بالحضانة اوعند الاهل واصير مشتاقة لهم واعوضهم من اول رجعتي للبيت لين انومهم وانا معاهم.
    دايم اقول لزوجي اذا انا راح اكون امراة عاملة لازم اشوي عدة اشياء (اكون ام وزوجة وموظفة وشغالة وطباخة) بنفس الوقت. انا مستحيل اقصر لا معاك ولا مع العيال ولا مع وظيفتي (عشان يحل لي راتبي) وطبعا الطبخ لاننا ما نحب اكل المطاعم. شغل البيت اقل شيء اهمية فيا انك تساعدني بالموافقة على غسيل الملابس برة او بالتغاضي عن بعض الامور الصغيرة. ووافق والحمدلله الوضع كويس والامن مستتب!
    مثلا العيال لازم كل واحد يرتب غرفته بعد اللعب او الدراسة. المساعدة بالكنس, بتطبيق الملابس, بترتيب السرير, بترتيب الصالة الخ.
    صدقيني قرار الشغل سواء كان شغلك في بيتك (مشروع صغير تسويه بالبيت) او مدرسة او اي شيء ترا قرار جدا مفيد لك انتي وزوجك وبيتك بالذات اذا كان في مشاركة والله يوفق الجميع

تابعي تجارب أخرى من هذا القسم.