الموضوع مغلق

الوحده شينه والفراغ طلع روحي وابي مساعدتكم الله لا يحرمني

:26: بسم الله 0000 هلا خواتي الحمد لله ما عندي ذيك المشكله بس ابي مساعدتكم انا ساكنه بالرياض من 6 سنين من يوم تزوجت وانا هنا السالفه اني ما عرفت اكون صداقات هنا ولا عندي جيران والعماره الا انا فيها كلها حريم كبار مره ولا عرفت استانس معهم
يوم كنت بالخبركان عندي صداقات كثير وانا احب اتعرف واطلع كثير مع صاحباتي او اروح لجاراتي بالعربي احب الفله والجمعات صرت الحين بس اتمشكل مع زوجي ليه تطلع مع اصحابك وانا طفشانه ووش اسوي ومن ها الكلام وهو طفش مني وصار ما يقعد بالبيت ولا يسولف معي وانا والله ما الومه انا حدي زنانه ابي تدلوني على مكان او مجتمع او نادي اي شي بس مكان يكون فيه بنات ولا ابيه مكان مره راقي ما بي من ها البنات الا يطالعونك بنص عين وانا الحمد لله عندي ولد وبنت اخذو شوي من الفراغ الا كان عندي بس بعد ابي احس ان عندي احد هنا مع اني عندي هنا بنات عمي بس هم موظفات ماشاء الله ولا يفضون الا الويكنت ويخلونه لعيالهم او اهلهم وانا ما ابي اغثهم كل شوي وانا ناطه عندهم

51 تعليق 3,406 مشاهدة

شاركي في النقاش

سجلي الدخول لإضافة تعليق.

التعليقات

51
  1. ترى والله العظيم هذي الأيام الواحد يقعد بدون مايعرف أحد أفضل
    من أنه يكون صداقات ووتجي منها مشاكل ولاخداع هذا الزمن ترى
    الواحد مويثق في كل أحد يلقه

    مادم الحمدلله ربي أعطاكي بنت وولد ربي يحفظهم ويخليهم لك ويخليلك زوجك أشغلي وقتك فيهم أنك تهئي لهم الجو إللي يريحهم
    ترى الزوج إذا فقد الراحة في بيته ولالقى الأستقرار يدوره في مكان ثاني ولاتنسي الأصحاب لهم ثاير

    راجعي نفسك وأبدي من الحين غيري حياتك خليها لله لأولادك وزوجك أفضل لك وأبدي في بيتك أشغلي نفسك
    في تنظيمه وترتبيه
    وتغير لمساته راح تسعدي زوجك وعيالك بإذن الله


    مري هذي الأقسام شوفي الأخوات كيف تجاربهم وشغلهم ولمساتهم لمنازلهم

    http://forum.hawaaworld.com/forumdisplay.php?f=86

    http://forum.hawaaworld.com/forumdisplay.php?f=5

    http://forum.hawaaworld.com/forumdisplay.php?f=69



    وإذا كانوا جيرانك طيبات أحمدي ربك أهم شئ تلقي أحد حولك لو أحتجتيه تلقيه

    وعندك منتدى عالم حواء الحمدلله يقدم دورات في أي شئ يخطر على بالك إذاوإذا أنتي من هواة الطبخ في دوراة في فنون الطبخ
    أوأنتي من هواة التصميم عندك دوراة في الوتوشوب والسيوتش ماكس


    أنصحك لوجه الله سيبك من التعارف والله هذا الزمن فيه ناس يتغيروا عليك وأنتي عاشرتيهم سنين
    عاد كيف لو تتعرفي على أي وحدة ماتعرفي شئ عنها
    أو تقدمي في أي وضيفة ولاتسجلي في معهد حاسب ولاتأخذي أي دورة في أي مجال تحبي

    وخليك على منتدى عالم حواء وأعتبري العضوات هنا كأنهم صديقاتك
    كل مالقيتي نفسك فاضية ومري الأقسام وراح تستفيدي
    ربي يحفظك ويسعدك أختي
  2. @shmokh_alryad_3

    جربي تسجلين في معهد حاسب او لغه او تسجلين في نادي رياضي بتشغلين وقتك وفرصة لتكوين صداقات جديده
    وجربي تطلعين مع عيالك حدائق عامه جمب بيتك بيستانسون وانتي اكيد بعد
    واسألي زوجك اذا فيه من اصدقائه نفس ظروفكم ، تعرفي على زوجاتهم

تابعي تجارب أخرى من هذا القسم.