تكفوووون شوفولي حل عندي عقدة ودي اتخلص منها الي ترد علي الله يرزقها من غير ماتحتسب

متابعة النقاش، صفحة 2

شاركي في النقاش

سجلي الدخول لإضافة تعليق.

التعليقات

37
  1. @aashkt_yaotn

    حسبي الله ونعم الوكيل
    يعني انتي كنتي طفلة وهي مرة ايش كانت تبي منك يعني معقولة تغار منك
    مشكلتك حبيبتي يبغالك تعالجينها خطوة خطوة ومحتاجه وقت يبغالك تصبرين
    1) عززي ثقتك في نفسك ادخلي غرفتك واتكلمي مع نفسك تعلمي كيف تفتحين مواضيع وتسولفين
    2)بالنسبة لخالتك وبناتها لاتبينين ضعفك قدامهم اتمسخروا عليك عطيهم نظرات مع ضحكة غيظيهم فيها
    3) خوفك من الكلام والرهبة هذي يبيلها انك ماتسولفين مع جمااعة سولفي في البداية مع اشخاص منفردين
    مرة امك بعدين بنت عمك بعدين صديقتك مع الوقت ماراح تخافين وتبدين مع جماعات قليلة بعدين كبيرة
    ومواضيعك في البداية خليها مختصرة ومع الوقت تقدرين تتكلمين باللي تبين
    وفي الاخير الله يفرج همك ويشغل خالتك وبناتها عنك وخلي في بالك انه كل اللي يسوونه غيرة ويبون يحطمونك
    موفقة حبيبتي
  2. @alm_o_hzn

    الله يشفيك ويفرج همك ماشاء الله البنات ماقصروا

    وبنت خالتك الله يسامحها

    لا تخافين قهرك ماراح يروح الدنيا دواااااااااااااااره
  3. شكلها غيرانة منك

    يمكن احسن من اخواتها ولا وضعكم احسن

    وجاية تحط حرتها فيك مريضة الله ينتقم منها كان ظلمتك

    انتي بحاجة لثقة

    خلي احد يساعدك

    وماهو عيب تروحي لدكتور نفسي يساعدك ويرجع ثقتك بنفسك
  4. @am_khald_24

    ألم و حزن
    الله يشفيك ويفرج همك ماشاء الله البنات ماقصروا وبنت خالتك الله يسامحها لا تخافين قهرك ماراح يروح الدنيا دواااااااااااااااره
    الله يهداج ...الحمدلله انج بخير وأمج وهلج ..تراها نعمه من الله انه حولج هلج
    أنا بعطيج خطة وانتي أمشي عليها:)
    - أول شي ادخلي الغرفة وصلي ركعتين كلما حسيتي بضيقة
    - اكتبي كل الي قاهرج في دفتر واقعدي اقريه لحد ما تبرد حرتج ( واحتفظي بالدفتر)وكل فتره اقري الي كنتي كاتبته بتحسين انج كنتي واااايد مبالغة ..وصغرتي نفسج :angry:
    - اقفلي باب غرفتج عليج واوقفي جدام مرايه
    ودربي نفسج على الكلام الزين مثل كلام الترحيب والاستقبال...(ياهلا ومرحبا حياالله من جانا...)قعدي تمرين عليها لحد ما تتمكنين من نطقها بطريقة حلوة وصحيحة ..[طبعا بروحج لايقولون هلج انجنت البنت]
    وكل يوم احفظي سالفة أو جملة تنقال بالقعدات
    (استفيدي من كلام المذيعات ولا المسلسلات ..يعني كأنج اتمثلين )..لأن في النهاية الحياة تمثيلية :35:
    - مسحي من بلج (بنت خالتج
    واعتبريها (ماتت)سوري لاتزعلين :icon33:
    - لاتربطين مصيرج بمصيرها لأن انتي عندج نعمة العقل وهي مش عندها:icon28:
    -اشتري كتب أو ادخلي منتديات (الصحة النفسية )اعتقد موجود في منتدى بلقيس ...ترى فيها دراسات تقوي الثقة بالنفس ...
    - لاتحطين نفسج ضحيه كلما صغرت نفسج كلما صغروج الناس :(
    = الخلاصة :-:26:
    صلاة+تدريب أمام المرايه + كتب نفسية تربوية
    مع تحيات
    أم تنصح وحدة من بناتها

تابعي تجارب أخرى من هذا القسم.