بنتي والغازات والامساك

سلام عليكم

كيفكم يا امهات يا شطورات

انا بنتي الله يسلمكم تكمل بعد كم يوم شهر ان شاء الله ومرة اعاني معاها طول الوقت تطلع اصوات كانها تحزق وامساك يومين ثلاث ايام وماتكرع مهما طولت ورفعتها استعملت ديفيلات وماء غريب ودينتونكس ويانسون ونعناع مافي فايدة احس كل بطنها غازات ورياح اشسوي معاها
سمعت عن شي اسمه لب الخرنوب وترنجيل او ترنجبيل شي من كده بس ابغى ارائكم ومين استعملتها قبل؟؟؟

وكيف اخليها تكرع لاني اتوقع تعبها من عدم التكريع ساعدوني الله يسعدكم ياارب

12 تعليق 2,145 مشاهدة

شاركي في النقاش

سجلي الدخول لإضافة تعليق.

التعليقات

12
  1. @fndy2008

    حبيبتي روحي لصيدليه وجيبي لها حليب نوفالاك اي تي 1 حق الامساك وان شاء الله تتحسن عليه ...
  2. @bnt_alshab_2

    اول شى بنتك وش تستخدم حليب
    اذا تعطيها صناعى وخاصه سيميلاك فهو السبب ماناسبها غيريه لانه اكثر حليب يعمل امساك وغازات
    او حتى اس 26 كمان لايناسب البعض
    ومعروفيينها الحليبين بكثرة الحديد فيه
    ابعدى عن الاشياء اللى ذكرتيها ممكن تعمل مضاعفات البنت معدتها ماتقدر عليها
    شوفى بيبى كير اعتقد كذا اسمه استخدمته مع بنتى رائع وارتاحت عليه
    وشربيها ماء مع ملعقه صغيره زيت زيتون بيساعد كثر تسهيل عملية الاخراج ولازم الماء على الريق ودافى
  3. نوميها على بطنها تحت ملاحظتك الشديييييييييييييييييييده
    وبإذن الله بترتاح

    وشوفي سبب الغازات مثل ماقالو البنات وتخلصي منه
    وترا فيه اطفال ما يتكرعون بسهوله مثل عيالي لازم تطولييييييين باااااااالك وتحملي
    وفي منتصف الرضعه حاولي تكرعينها وكملي بقية الرضعه

    ولا تنسين نقطه مهمه
    ترا تكرار الرضعات على الطفل تسب له تخمر الحليب في بطنه وتتكون الغازات
    حاولي الرضعات تكون كل ساعتين بالضبط لانك ان رضعتيها وباقي في بطنها حليب تفاعل ويتعبها

    واذا كنتي ترضعينها طبيعي تأكدي انك ماتعانين من الغازات لانها بتنتقل منك لبنتك عن طريق الرضاعه الطبيعيه
    ولا تاكلين اشياء مفلفله من شطه وفلفل وخلافه

    احس هذرتي وااااااااجد>>>>>>>>> واغلب اللي قلته معروف ههههههههههههه

    الله يخليها لك ويشفيها

تابعي تجارب أخرى من هذا القسم.