¥ تجمع عرايس الصيف [1431-2010] العاشر + ¥[الرجاء فتح تجمع جديد ]

يسعد أيـــــــــــــامكم وأوقاتكم يااااااا أجمل عرايس بالعــــــــــــــالم...

أتمنى إنكم بخيـــــــــــــر والنفسيات تمااام...ياااااارب اشرح صدورنا ويسر أمورنا يااااااااااااااااااااااااااارب

نواعم... وه بس ..زواجها اليوم ياارب يجعله أحلى أيام عمرها...

نوواعم الله يسعدك وييسرلك يارب


راجية الجنان

المحل نفسه دلني على مشغل تبعهم ورحت له وخذت مقاسي


ياماما بدآ العد التنازلي وللحين ماكملت شريط زفتي الله يعين يارب

مرحبا يا حلوين



انا تقريبا لي سنتين مملكه وزواجي بعد شهرين وتقريبا خلصت أغلب الاشياء وبقولكم الاشياء اللي شريتها يمكن تفيدكم وتعطيكم فكره والأماكن اللي شريت منها



القمصان

شريت 12 قميص واحد طويل وثلاث نص الساق والباقي قصيررره مره من سيتي ماكس وسيتي بلازا ولاسنزا
وشريت طقمين سنتيانه مع الكلوت وفيها حركات وربطات تنلبس لحالها
وشريت روب واحد اللي ينلبس على القميص لونه أسود لاتكثرون ارواب بس لاول الأيام بعدين بيجلس في الدولاب فواحد يكفي
قميص أول يوم من فلور

البجايم

ست بجايم طويله وحده منها ساتان
وثلاث برمودا
وخمسه شورت
البجايم من اويشو وسيتي ماكس وسيتي بلازا ولاسنزا والبجامة الساتان من دبنهامز

الاندر وير
احدعشر طقم
واربع سنتيانات للمناسبات وسنتيانة السيلكون
وطقم البانتيات اللي تجي سته بـ 15 ريال للدوره
والبانتيات اللي تجي تحت البناطيل وفيها فيونكات وحركات من ورا علشان اذا طاح البنطلون تبان الفيونكه تقريبا خمسه :(
شريتها من نعومي وسيتي بلازا وسيتي ماكس وويمن سكريت



ملابس البيت
حاولت اشتريها وقت التخفيضات
البناطيل الطويله للبيت ووممكن برا البيت للطلعات العاديه عند اهلي أو اهل زوجي او عماني ينفع البسهاعلشان كذا كثرتها شريت تقريبا عشره بناطيل ولينقر واحد
البرمودا شريت سته وواحد افرول
الشورت خمسة
التنانير القصيره ثلاثه
الفساتين القصيرة شريت ثمانية
البلايز والبيدهات شررريت كثيرررررر اي لون تتوقعونه شريته واغلبها من غير كم ثنتين بس بكم
ملابس البيت أكثر ما شريت من تيرانوفا وبيرشكا وستراديفا وسنتر بوينت وزارا وسيتي ماكس والهرم ونيولوك ونيويوركر

الطلعات
شريت ثلاث تيورات فخمه
وتنوره بيضا ومعاها ثلاث بلايز رمادي وليموني واحمر لطلعه عاديه
وتنوره جينز ومعاها بلوزتين ويمكن ازيد عليها ثنتين أو ثلاث
وتنوره سودا ما شريت لها شي معين كل شي ممكن ينفع معها
وست بلايز طويله مع بناطيلها
وفستانين ناعمه
وفستان لليوم الثاني فصلته
التيورات شريت واحد من زارا وواحد من كوتن وواحد من محل في الرياض جاليري عنده اشياء غريبه مررره حلوه اسمه لولا في الدور الثاني
اما البلايز الطويله من كوتن وبيرشكا وستراديفا
التنانير الطويله شريتها من زانكا مره تنانيرهم حلوه ومرتبه ورزه ومحل في رويال مول كله جينزات اي موديل جنز واي درجه تلقينها عندهم
الفساتين واحد من مانقو وواحد من مون سون


بالنسبه للشنط والجزم
جزم المناسبات شريت بيضا وسودا وذهبي وفضي كانت شوي غاليه
أما الطلعات العاديه شريت الوان كثير وماكلفتني شي من فلات وصنادل عشر تقريبا ماكلفتني الا 400 ريال
جزم البيت ابيض وسود وفوشي
الشنط ثلاث اساسية لويس فيتون وابيض وبيج
والباقي من نيو لوك على حسب الملابس
الجزم لا تروحون لغير الاندلس تشكيله كبيره واسعارهم مناسبة أما جزم البيت من الهرم حلوه للبيت وعلى عشره وعشرين


الاكسسوار والكماليات
تقريبا الاكسسوار شريت كل الالوان حتى لو ماعندي عليها لبس
وخلاخل وأحزمه وايشاربات وشريت شيال واحد
نظاره شمسه من ري بان


الساعات
اسود وبيج زيركون
وفضي وذهبي ألماس


العطور
شريت شذى من نعومي
مجموعة برايد من نكتار
عطر دايفد يو رمان من باريس جاليري
وباقي العطور من المعيقليه ارخص ونفس اللي هنا ولاحد يقول مو نفسها انا جربت باريس جاليري ووجوه وسيفورا والمعيقليه ننفسها
وشريت مخلط العاذريه من الماجد
وبخور وعوده للبخور من العربيه
والمسك الاسود من القرشي

المكياج شريت الاساس والبودره من شانيل وشريت كريم أساس للجسم
والبلاشر شريت الالوان الاساسية ( الوردي والترابي والمشمشي ) من زهور الريف
الظل بعد من زهور الريف وشريت بالعلب بس الألوان اللي تناسبني
الكحل شريت فيروزي وأسود من زهور الريف وشريت تاتو الحواجب مره حلو ثابت
الماسكرا أسود ومائي وأزرق من بودي شوب
أضاءة الوجه من بودي شوب
أضاءة تحت الحواجب من بودي شوب
الأرواج شريت من شانيل وبودي شوب وزهور الريف وكراجا وبرضو الألوان اللي تناسبني
المناكير من برجواز
وشريت الفرش عده كاامله نفس حقت مكياجي وناعمه تجنن من طيبه بأربعين ريال لا تروحون تشترونها من مكياجي بـ 199 والله نفسها أنا شفت الثنتين وقارنتها نفسها
وشريت مثبت مكياج تلقونه في أي محل أنا شريته من هريرا


أغراض الصيدلية لسا ما شريتها بس كاتبتها
شامبو ( هيربل )
فاشكول ( بالفواكه )
صابون سائل ( دوف )
فرشاة ومعجون وخيط أسنان
غسول للفم ( غسول روز روعه )
شرائح النعناع
غسول للمناطق الحساسة ( سيباميد )
غسول للوجه ( بوندس )
فوط للاستخدام اليومي
فوط للدوره
مزيل مناكير
مناديل المكياج
جليسوليد
زيت جونسون
لوشن جونسون
واقي شمس
أعواد أذان
لابيلو



وووويااكثر قرابيعنا ان شاء الله استفدتو ولو شي بسيط