نصيحة ثمينة (عن أم الزوج
= لاتفرحين اذا زوجج وقف معاج ضد أمه !!! ترى هذا شي مؤقت لأن الرجال يسامح أمه ويغفر لها بس الزوجة (ماراح يغفر لها )لأنها يوم من الأيام اغلطت على أمه [ هذا كلام تربويين واستشاريين ] مش كلامي بس
= كما تدين تدان (لو عيالج احقروج) واهجروج ترضين ولا تحزنين على عيالج
=احنا جايتنا أيام مباركة وهي أيام أرمضان ...طيعي شوري ..وانتهزي هذي الفرصة وصالحي أم زوجج ...بهدية مش إيدج فاضية وراح تكبرين بعين زوجج
=لما تقاطعين أم زوجج هذا يحزنه:44: مش يفرحه،،، وهي بتشتغل عليج حرب (داحس والغبراء/
= وام زوجج ان عاشت هالسنة يمكن ماراح اتعيش لج السنة الجاية
= الرسول - ص- قال تهادوا تحابوا... الهدية راح تلين القلوب
= وانصح كل وحدة اتودي هدية حق أم زوجها كل فترة (رمضان) واتقول مبارك عليج الشهر/ العيدين [ حلويات للعيد + هدية ]
= يعني كل كم شهر اخذي لها هدية ...قولي رحت السوق وشفت هالحاجة وتذكرت وجبتها لج
= ومش ضروري الهدية اتكون غالية ولا على حسابج (خلي ولدها )يدفع / قولي بر الوالدين وهي باب من أبواب الجنة
= لاترفعين صوتج عليها/ ولا تجادلينها/ وكله طيبي خاطرها... قولي ان شاء الله حتى لو انتي مش مقتنعة
= لاتقولين ماعندي أفلوس اشتري !!!! الي عندها فلوس تشتري قمصان نوم ومكياج ولبس وتدفع حق صالون :42: أكيد بتقدر تشتري حق أم زوجها!!! فلا تتعذرين بلفلوس
= اذا أم الزوج امدحتج بتكونين ناجحة في عين زوجج حتى لو يشوفج كلج عيوب
= حسني علاقتج مع امه راح تتحسن علاقتج بزوجج:)
= لاتشتكين لزوجج من كلام أمه أو من خواته (فضفضي حق خواتج ) مش له / ترى في النهايه هذيلا هله وانتي الغريبة بينهم:(
= مقترحات للهدايا
1- [ قطعتين قماش + سجادة + بخورأو عطر عربي+مبخرة من الشركة العربية للعطور]
2- بيالات +فناجيل
3- ترامس شاي وقهوة
4- خاتم ذهب
5- حرارات أو اجدور
6- قطعة سجاد (موكيت)لغرفتها
7- تلفزون معلق (خصوصا العجايز تلفزوناتهم قديمة:)
8- اذا ام زوجج رايحة العمرة (سوي لها مفاجأة غيري في صالتها ) اكسسورات ،ورد...وجهزي لها حلا لضيوفها
9- طرشي تموين ارمضان (علب كلينكس+المنيوم+كرتون زيت +فوط مطبخ...او اشي نحتاجه في رمضان)
= خذي قياسها وفصلي لها جلابيتين
= اشتري لها عباية
= نعال
=حطي 500ريال في ايديها وقولي هذي قهوتج (اذا راحت المستشفى أو جات من سفر أو امرضت)
وسلامتكم
مع تحيات أم... استفادت من تجارب الي اسبقوها
شاركي في النقاش
سجلي الدخول لإضافة تعليق.
التعليقات
56- الله يجزاك خير على هالموضوع
بصراحه فعلا نصحتي - والله ان ايد الكلام هذا اليوم احنا حريم اولاد بكره ان شاء الله عندنا حريم عيال كلامك ذهب الله يعطيك الف عافيه على موضوعك
- كلامج صحيح بس الناس اجناس
في امهات الله يسامحهم نسوا انهم بيوم من الايام كانوا حريم عيال
انا تقطع قلبي ام الولد الوحيد
او الارملة
او المطلقة اللي عاشن عمرهم في تربية الولد
اما الحريم اللي متشببات وعايشات زمنهم وزمن غيرهم كل ماطبتي معاها زاد شرها
اختي كل كلامي عن تجربتي الشخصية
المثل يقول روح بعيد وتعال سالم - جزاك الله خير
- يعنى الهدية بتخليها تحبك وترضى عنك ؟
الهدية بتخليها تقضب لسانها وتحترمك ؟
عن تجربة أختى الجواب هو لا
مواضيع مشابهة
تابعي تجارب أخرى من هذا القسم.