للنقاش : خروج البنت مع صديقاتها

الله يعينك روحي معاها افضل
انا اروح مع بناتي الملاهي والعب معاهم بعد صحيح هناك مناظر تخجل والله لكن لازم يشوفون البنات الشر والخير
والله يحفظ بناتنا وبنات المسلمين

انا ضد تماما خروج البنت قبل الزواج مع صديقاتها بدون والدتها
قل الخبره
ضعف التجربه
واحيان العجز عن التصرف في المواقف المفاجئه
يجعلني ضد هذا
اضيفي اليه
ان الصديقات يحرض بعضهم بعض على الاستهتار
والاستهبال اذا مافيه أحد كبير يرشدهم
فممكن يعرضون انفسهم لخطر
ويا ما شفت بنات يطلعون من مولات وتلحقهم كوم سيارات
والله يستر وش صار عليهم
لانك حتى انتي صعب تساندين وحده اهلها تاركين لها الحبل والغارب
موب الحبل على الغارب
الا الحبل والغارب
ولا اظن ابد ان اي احد من الاسر المحترمه
بتخطب لولدها بنت تروح الاسواق لحالها او مع شلل بنات لحالهم
لان اللي ماسألوا أهلها في طلعتها
صعب تنضبط الا من رحم الله
مضطره اكون اوبن لاني اتكلم عن المجتمع الي حنا نسمعه ونشوفه
قد يعارض البعض وجهة نظري .. احترمه
لكن اقول هذي هي تربيتنا حنا
تربينا ان البنت بنت نعومه
حقها الترف وابعادها عما يضرها
ابوها واخوها وزوجها
هم المسوؤلين عن حمايتها لانها انثى
قال الله فيها { أو من ينشؤا في الحلية و هو في الخصام غير مبين }
فالله سبحانه مثبت لها حق الترف والحمايه

ب صراحه أطلع ل حالي ..

والسالفه مو سالفه اهلنا ورجالنا مايغارون
السالفه سالفه ثقة في اللي حواليك


يعني لو انتي شايفه بنتك قد الثقه وربيتيها تمام وعمرك مسكتي عليها زله او غلطه

فليش مااخليها تروح وتجي


والله البنت اللي ف راسها فساد والله تسويه لو مقفل عليها بقفل ...