فهتاخديهم فواكة علي خضار موزعة علي مدار اليوم ويفضل ما تاكليش فاكهة بعد المغرب ويفضل العصائر الطازجة برتقال ع اناناس ع جوافة ع فادلفل اخضر ع جرجير اما اليمون فهو اقوي مشروب لتنقية الدم اشربي 3 مرات ليمون مع الوجبات وعاوزة اقول لك علي نصيحة ع الماشي ازا كنتي عاوزة تبقي جميلة بجد شعرك وبشرتك وعينيكي وجسمك جمال فمش هتستغني عن عصارة الجزر ده اساسي اه نسيت اقولك ا ارشح لك كبسولات سي ريتارد 500 مجم تمنها حوالي 8جنيه وهتكفيكي 5 ايام وانا اخترت الصنف ده بالذات لانه يضمن امتصاص منتظم للفيتامن ماينتج عنه تفادي الزيادةغير الضروريه للفيتامن في الجسم وبالتالي لا ينتج عنه تكوين حصوات في الكلي عند استخدام جرعات عالية منه يعني امن ...لسه الكورس مخلسشي هنيجي علي الخطوة ال2 نحو البياض (2) تاخدي من 400 الي 1000مجم يوميا من فيتامين ه eطبعا الفيتامين ده معروف عنه انه بيغمل علي النعومة و النضارة لانه بيساعد علي تجديد البشرة وقدعملوا دراسة علي مجموعة من الساء و الرجال اعطوهم فيتامين سي 2000 مجم وفيتامين ه 1000 وحدة دولية وجدوا ان مقاومتهم لحروق الشمس زادت بسبة 20% بعد8 ايام فقط فخلينا في المتوسط ناخد 400 مجم فيتامي ه كبسولات (انا استخدم فيتون ه 100 مجم) ونكمل مكسرات علي خس علي لبن يبقي احنا اخدنا الوسط []/الخطوة ال3 نحو البياض هي (3) التلبينة ايوه التلبينة النبوية اللي هي دقيق الشعير بالنخالة ... التلبينة فيها حاجتين حلوين اوي للبشرة (1) فيتامينات ب وده رهيبة للبشرة تمنع تراكم الالوان واذا زودت حصة فيتامين ب اللي انتي بتاخديها يوميا هتلاحظي مع الوقت اختفاء البقع والحبوب والندبات وحتي الشحوب والبهتان ...(2) الميلاتونين الذي يزود من انتاج الجسم للجلوتاثيون وبالتالي مع الوقت يفتح البشرة ..اما الخطوة الرابعة للبياض فهي (4) اشربي القرفة 2 كوب يوميا فهي تنظم انتاج الجسم للجلوتاثيون وتزوده لو كان قليل وكمان بتنشط الدورة الدموية مما يكسب البشرة لون وردي جميل ملحوظة ... الكورس ده للاصحاء يعني لو عندك مشكلة معينة لازم ترجع للطبيب وكذلك لو كنتي حامل او مرضع ...(5)السيلينيوم بيزيد انتاج الجسم للجلوتاثيون خدي كل يوم 5 او 6 فصوص ثوم او خدي ع الريق يوميا حبة selenium ace العلبة ب23 جنيه وتكفي شهر اما الخطوة التالية فهي تناول مصل الحليب الذي هو بروتين حيواني يشكل 20% من بروتين اللبن والواقع ان كيلو اللبن يحتوي علي 6 جم من مصل الحليب وانتي المفروض تاخدي 20 جم يومي يعني تشربي 3 و ربع لتر لبن كمان لازم يكون فريش مش بودرة عشان يكون فعال بس ده مستحيل عشان كده ممكن تجيبي مصل لبن whey protein معزول اللي بياخدوه عشان العضلات بس مش اي حاجة لازم يكون bio active يعني فعال حيويا ومثال ذلك مصل اللبن immuncal وانا سالت عليه مش موجود في مصر اما اخر
خطوة فهي انك تاكلي الاطعمة المحتوية علي الجلوتامين ك البيض و جنين القمح و البصل و الثوم و البروكلي والزبادي و الحبوب الكاملة كل هذه الخطوات ستحفز الكبد علي انتاج المزيد من الجلوتاثيون طبيعيا وبالتالي تفتيح و وضاءة البشرة بدرجة رهيبة حد يقول احنا هنعمل ايه والا ايه اقول لك اول خطوتين مافيش غني عنهم اما باقي الخطوات فاللي تقدري عليه اعمليه وما تنسيش النصيحة الجمالية الاكثر انتشارا اشربي مايه كتير مش اقل م 10 اكواب يومي و الله يتحقق لك اللي انت نفسك فيه وبالله عليكم انا تعبت في الموضوع ده ارجو التثبيت او حتي تقييم حلو []
بناء ع طلباتكم انا هالخص الموضوع في تعليمات بسيطة :
(1) خدي في اليوم بعد الغدا قرص فيتامين سي 500 مجم (اتاكدي ان ال500 هو تركيز الفيتامين سي مش حاجة تانية معاه ساعات يكون 100 كالسيوم ع 200 بوتاسيوم ع 200 سي لا اتاكدي ان ال500 سي )
(2) خدي يوميا 400 مجم فيتامين ه خديهم ع مرتين ويفضل انك تخدي معاهم لبن عشان هيزود من امتصاص الجسم له و استفادته منه
(3) اشربي يوميا 3 اكواب عصير لمون او برتقال وكوبين لبن
(4) اشربي 3 اكواب تلبينة
(5) اشربي 2 كوب قرفة ولو مبتحبيش القرفة اشربي بردقوش (ابقي اقري الموضوع اللي هنزله عن البردقوش )
(6) خدي 5 او 6 فصوص توم يومي ع مدار اليوم ولو ضغطك بيوطي كفاية 2 او 3 فصوص (وع فكرة التوم الطبيعي فعال اكتر من اقراص السيلينيوم او التومكس فخديه طبيعي اوفر و احسن )
(7) خدي 20 جرام يومي من مصل اللبن بس مش اي مصل لبن لا لازم يكون bioactive وانا اما عملت سيرش ع النت ملقيتش غير صنف واحد بس بيو اكتيف اللي هو immuncal ,i,وهو مش موجود في مصر معرفش انتو بقه عندكو والا ايه
(8) تناولي الاطعمة اللي بتتوي ع الجلوتامين وانا ذكرتهم
في النهاية احب اقول ان مصل اللبن مش لازم بس انتي انتظمي ع الحاجات التانية بس والاحس ان الحاجات ده تدميجيها مع الوجبات عشان تقدري تاكليها كلها يعني مثلا بدل ما تفطري وتشربي شاي و الا قهوة ع الفطار وتيجي تشربي تلبينة تلاقي بطنك مليانة ومش قادرة تشربي لا خدي التلبينة ع الفطاربدل الشاي ومع الغدا خدي الليمون او البرتقال بدل البيبسي يبقي اخدتي الحاجة المفيدة ومنعتي في نفس الوقت الحاجة اللي مش ولا بد وصدقيني انت لو عملت كده ومشيتي ع النظام ده مش هتلاقي مكان في بطنك للرمرمة والاكل الفاضي والي ضره اكتر من نفعه
عاوزة اقول في النهاية ان انا اللي كاتبه الموضوع مش نقلاه وانا كتباه كمان في اكتر من موقع
وان انا خريجة تربية بس انا من وانا عندي 16 سنة يعني من 13 سنه بقرا في الجمال واللي يخصه لحد مابقيت والحمد لله خبيرة وانا كنت مالفة 3 كتب (كن شابا في 30 يوم ) و(كوني جميلة في 30 يوم) و(كيف تصلين ع بشرة فاتحة في 30 يوم ؟) بس مش ناوية انشرهم وهنزل انتاجي في المنتديات تباعا عشان رام اكتم علم نافع
وبقول اللي عاوز يقل موضوعاتي ينقلها بس ينسبها لي
واي خدمة يا قمرات وشكرا ع تجاوبكم معايا