تجاربكم مع موانع الحمل وهذي تجربتي للافاده

طيب ليش ماتجربين العدد احسن مافيه شي مضر

انا استعملت موانع كثيره في البدايه حبوب منع الحمل وتركتها لانه عندي ضعف بالعصب السمعي والدكتور منعني منها
بعدها ركبت اللولب العادي وتركته سنتين اخر 5 شهور صار كل شوي ينزل دم استحاضه غير غزاره الدوره ازعجتني كثير وشلته
بعدها ركبت اللولب الهرموني ريحني رغم انه صارت الدوره توجع كثير كانت الدوره تجي كل شهر وسبعه ايام وخفيفه مرة خليته 4 سنوات واخر سنه سبب لي بثور في الوجه والتهابات متكرره فقررت الدكتوره انها تشيله لي
بعدها استعملت التحاميل وحملت عليها مرتين .
والحين افكر ارجع لللولب العادي
احترت بعمري الله يعين

انا لي تجارب مع الموانع اول تجربه كانت بعد بنتي البكر استخدمت حبوب مانع اول 6 شهور وبعدها ركبت لولب ونطرت هالفتره لاني والده قيصريه وما يصير يركبولي اللولب الا بعد 6 شهور بس ما تحملته يزيد الافرازات ويخلي المنطقه رطبه والدوره تقعد اسبوعين ومرات اكثر 4 شهور وشلته واستخدمت حبوب ياسمين وقعدت عليها سنتين وقطيت الحبوب وحملت بعدها اب 4 شهور وعقب ولادتي في بنوتي الثانيه انصحوني بحبوب سلست ويليتني ما طعت النصيحه استخدمنها سنتين وكانت مو متواصله بحكم ان زوجي يدرس بره فكنت اكلها شهر وشهرين لا المهم طول فتره ما كنت اخذ الحبوب كنت مرتاحه عليها بس عقب ما قطعتهم قعدت سنه ما حملت وعقب حملت وكنت كل ما احمل اجهض 3 مرات ورا بعض واخذت منشطات وبعدين عرفت ان معي تجلط بشرايين الرحم اهو اللي يسبب لي الاجهاض وعالاغلب كان التجلط من استخدام حبوب سلست وعالجت وحملت بس لازم طول فتره الحمل استمر على حبوب وابر السيوله والحين عقب ما ولدت وصفلي الدكتور حبوب سيرازيت لمنع الحمل وآخذها باستمرار حتى لو علي الدوره وهذا اول شهر لي من استخدام هالحبوب فما اقدر احكم عليها..................................................................................................
ولي ايضا تجارب مع جنيرا بعد ولادتي الاولى بس ضعفت عليها حيل صرت مثل الهيكل وجربت مارفلون بس ما ناسبتي كان الدم ما يكف طول ما انا آكلها

انا كنت ناوية اركب لولب بس ولادتي كانت صعبة>>>>>> استخدمت مارفليون ازين الشين