يااااااااعالم انآ ضضضايعه فقدت نفسيي

رفع

شوفي ياقلبي مافيه احد يبقى على حاله وعلى تفكيره وممكن حتى الأشخاص اللي في حياته يتغير تفكيره وطريقته معهم مو لسبب شين!
بس يمكن الشخص نفسه تغير تفكيره ونظرته للحياة!
اسمعي كل 5 سنوات يتغير تفكير الشخص تماماً عن الخمس سنوات اللي قبله، وانتي أكيد تغيرت اهتماماتك وتغير تفكيرك بس ماوعيتي للشي هذا..
وبقول لك طريقه واثقه انها راح تساعدك ان شاءالله :)

اول شي اسألي نفسي هالأسئلة:

1- انا وين في علاقتي مع ربي؟
اذا تحسينك بعيده عن ربي أو فيه شي غلط حاولي تعدلينه وتقربي من ربي أكثر وأكثر، لأن التوازن في الحياة الروحانية يوازن كل شي في حياتنا بعد كذا.
2- انا وين في علاقاتي الاجتماعية؟
شوفي الناس اللي حولك قريبه منهم ولا بعيدة؟ اذا بعيدة قربي اكثر واذا ماله وكارهتهم اعرفي السبب وعالجيه ولو مثلاً مضايقينك في شي تكلمي معهم وصارحيهم وحلوا المشكلة مع بعض، لاتجلسين تشوفين المشكله وتتكتفين كذا ماراح نطلع بنتيجة.
3-ايش حلمي في الحياة؟
ايش حلمك في حياتك؟ واللي دائماً تتخيلين نفسك تسوينه وتمارسينه؟ اذا فيه حلم اشتغلي عليه سوي لك خطة وامشي عليها لاتتحلين عن هالحلم ابداً ولاتقولين صعب، لأن ربي سخر لنا الكون باللي فيه :)
واذا تحسين انه ماعندك حلم او هدف محدد شوفي وش اكثر شي تحبين تسوينه لو كان مثلاً طبخ او تصميم فوتوشوب او تصوير مثلاً ، اشتغلي عليه اكثر وخذي دروس والنت مليااااااااااااان من كل شي في الدنيا خذي افكار وطوري هالشي اللي تحبينه لحد مايصير لك هدف انه يكون مشروع مثلاً.
4-كيف تقديري واحترامي لذاتي؟
كل ماكنتي تحترمين نفسك وتثقين فيها اكثر كل ماكنتِ اسعد والناس اللي حولك تحترمك وتثق فيك اكثر، تأكدي ان ربي عطاك مقومات تستحقين انك تثقين في نفسك ، حبي نفسك وكافئيها في كل نجاح، وعطيها حقها من كل شي يعني لاتفسدينها في الدلال مره ولا تذبحينها بالجهد والتعب والكئابة خليك معتدلة، واطلعي وغيري جو وحبي نفسك والناس وتقربي من اللي حولك ، صدقيني كلها عوامل تزيد ثقتك بنفسك وتقربك من اللي حولك بشكل ماتتصورينه.

اهم نقطة ياقلبي بقولها لك راقبي افكارك، مجرد ماتجي في بالك فكره شينه وسلبيه غيريها وفكري بشي انتي تحبينه او كلمي احد ترتاحين له وقولي كل اللي في نفسك او اطلعي امشي او ارقصي ، المهم حاولي تنفسين عن نفسك ..
والأهم من هذا كله كلمي ربي وادعيه بكل شي في نفسك والله يفرج لك :)

عليك بالدعاء والأستغفار

الله إفرج همك يارب ياكريم

الله يجزاكم بالجنه