السلام عليكم ورحمة الله وبركاته
خواتي الغوالي اخباركم مع الاجازه والحر >> كفانا الله واياكم حر جهنم ورزقنا الفردوس الاعلى وجميع المسلمين يارب
الاسبوع الماضي قريت في احدى الصحف المحليه تقرير عن بعض الاخوات وخوفهم الشديد على ازواجهم من البنات الي لسى ما تزوجو ...>>> تقرير غرييييييييييييب
والاغرب ردود الاخوات هداهن الله
وحده تقول خبيت موضوع زواجي عن صحباتي في الجامعه خوفا من السرقه >> خيييييير ان شاء الله
ووحده ثانيه معلمه وبكل اسف تقول خبيت موضوع زواجي عن الجميع لكن فوجئت بعد عودتي من شهر العسل ان الجميع غاضب علي بسبب علمهم بموضوع زواجي من احدى الطالبات لكونها من قرابة زوجي وتقول ان المعلمات حتى ما قالو لي مبرووووووووووووك >>> غلطانيين بصراحه ما يكفيك مفطح
والاخرى وهي اشد منهن بل وردها امر بكل صراااااااااحه تقول انا لم استطيع اخفاء موضوع زواجي بل قمت بتشويه صورة زوجي امام صديقاتي وجعلته رجل سيء للغايه والحياه معه لا تطاق واعلم اني ظلمته لكن من خوفي عليه >> يا شيخه اي خوف انتي الي ينخاف منك بصراحه
من جد انا صعقت من الردود الى هذه الدرجه وصلت فينا الوسوسه
اختي الي تفكيرها مثلهم لا تتوقعين انك محظوظه او ان ربي يحبك لوحدك او ان عيون البنات عليك وعلى زوجك لا انتي غلطانه
انا مثلا مو متزوجه وعمري 25 ولله الحمد واحس انه لسى بدررررري على الزواج اي وحده من صديقاتي تتزوج على طول احلى وافخم هديه ونتجمع كلنا ونبارك لها ونرقص ونفلها وبعد الزواج قهاوي وعزايم ليش لا لان الدنيا ابسط من اننا نعيشها بوسوسه وكلام فاضي الله يهديهم بس
خواتي اسفه على الاطاله ولا تحرموني طلتكم في موضوعي :26:
شاركي في النقاش
سجلي الدخول لإضافة تعليق.
التعليقات
62- هذولي مريضات الله يشفيهم
- الحمد لله ما عندي هالوساوس ....شغلة اني اخبي زواجي صعبه ....الحمد لله حلال بحلال وماله داعي اخبي بكرى احمل يعني شخبي ......والي تبي ريلي عليها بالف عافيه بس عقب ما يطلقني .........
- بالعكسسس عادي اقولهم واخليهم يفرحون معايا بس مااشوهه صوره زوجي قدامهم بالعكس علشان الشماته هههههههههههههههه
- عاد تصدقين من قريت هالموضوع ما هظمته ابدا وحسيته انه مجرد موضوع يملي الورقات ما اصدق انه فيه احد بهالعقليه ممكن تشوفين وقليل اللي تكذب وتتبلى على زوجها خوفا من العين ايه للاسف المجتمع فيه عينات من هالحريم اما عاد اتزوج وما اعلم البنات احسها ماش ما تتصدق تدرين الصحفيين لازم ينزلون مواضيع كل يوم والمتابع اليومي للجرايد يعرف انهم اهم شي يملون الجرايد تشوفين موضوع او خبر وبعد شهر يرجع ينشر كأنه جديد او موضوع فيه تبلي على اي قطاع خذي وخلي انتي اقري وخذي المفيد والباقي يروح للحرق
- والله ما ادري ايش اقول صح في بنات مثلك يفرحوا فرح الي حولهم لكن صدقيني في ناس غير ممكن يحسدوا واكبر دليل مواضيع البنات لما تقول الي حولي تزوجوا وانا لا ايش ناقصني انا احلى واغنى وووو حتى احيانا مايذكروا الله
بس انا معك في التشدد الزايد باني ما اخبرهم طيب بعد شهرين بروح بكرشي قداممي شبرين من وين جت انا اكيد بعلم بس بحصن نفسي كل يوم وماراح اذكر محاسن زوجي لكن ماراح اذمه بالاصح مارارح اجيب سيرته لا بخير ولا بشر
مواضيع مشابهة
تابعي تجارب أخرى من هذا القسم.