ماأعرف إنتي في أي منطقه بس في جده أسعار متفاوته وأنا رحت مع قريبتي لمن سوت بروفة المكياج وعجبها وحجزت بكج كامل من تنظيفات وحمام مغربي وحلاوة وحواجب وبدكير ومنكير ومكياج وتسريحة الفرح والتنظيفات لمده 3 أيام متتاليه ب 2500 وأشوفه مناسب كونه بكج كامل وأغلب الصوالين في جده كده تتفاوت مابين 2000 إلى 3000 وفي صوالين تسويلك عروض كذا بكج يبدأ من 2000 أو 1000 وحاجه إلين يوصل 5000 طبعا بزيادة الخدمات وإنتي تختاري البكج المناسب لكي وبالنسبه لأم العروسه وأختها ب 500 أو 600 يعني مستحيل توصل 3000 وهادا الكلام في أفخم الصوالين في جده
طيب إنتي لاتنزليها البيت إحنا العرايس صاروا يروحوا الصالون تسرحهم وتمكيجهم وتضبط الطرحه وخلاص البنت تروح تلبس في القاعه كده أحسن ومنها ماتاخد عليكي سعر زياده إذا النظام عندكم كده
والله 9000 حتى فستان الفرح بطلو يشتروه العرايس ب 9 فما بالك بألوان وكم بنسه في الشعر
ليش حنا شعب مستغفل وملعوب عليه لهالدرجه..؟؟؟؟؟
متابعة النقاش، صفحة 8