غسيل+كنيس+طبيخ + ترتيب +صياح ورعان وتلبيسهم وتاكيلهم وتشريبهم =حمار كرررف

الله يعينك ويخليهم ليكى

اصبر ياعزيزتي ورتبي وقتك يعني موب لازم كل يوم تمسحين وتنظفين من قلب شوفي نامي انت وعيالك الساعة 2 باليل بما انا في عطلة وقومي قبلهم ع الساعة 8 او 9 وخلصي الشغل الثقيل الي يلهيك صدق مثل يوم التنظيف العميق ويوم غسيل الملابس ويوم كوي وباقي اليوم يكون الشغل الأخف طبخ-غسيل مواعين-كنس واترتيب عودي عيالك يشلون الي خربوا لين يتعودون وداومي على الأستغقار والله يعينك

تسلموا بنات فديتكم ماقصرتم ربي يحفظكم ويسعدكم ويرزقكم من واسع فضله
باحاول انظم وقتي ونومي وان شاء الله يصير خير يارب

ياحبيبتي الحل مو بالخدامه الحل بيدينك

اول شي اطفالك كلهم ممكن يفهمون وتقدرين تتعاملين معاهم الا الصغير
اما وشلون بتفهمينهم ؟؟؟؟

اول شي جيبي لك لوحه كبيره ويفضل فلين وقسميها على عدد اطفالك وعلى جنب اللوحه اليمين حطي صور اطفالك بالترتيب وقدام كل اسم سبع مربعات
وجيبي صور شخصيات كرتونيه ولزقيها على اللوحه

بعدها جيبي صورة سياره قدام كل صور من صور اطفالك بس ثبتيها بدبوس لا تلزقينها


الفكره علقي الجدول بمكان واضح بالبيت قدام اطفالك
باكثر مكان يجلسون فيه مثلا قريب من التلفزيون وقولي لاطفالك ان اللي يصير هادي ومايرمي الزباله بالارض ويرتب سريره ويلعب مع اخوه الصغير كل يوم راح تتحرك سيارته خطوه
يعني كل يوم مسالم خطوه
واللي توصل سيارته للنهايه اول اشتري له هديه او اوديه مدينه الالعاب او اشتري له دراجه

وبكذا اطفالك راح يتحمسون يرضونك وكل شي بالصبر يجي


ثاني شي البيت والغرف اللي المفروض عيالك مايدخلونها نظفيها وسكريها وخلي لهم غرفه جانبيه يعني المقلط ينفع حطي لهم التلفزيون والالعاب فيها وخليهم ياكلون فيها وبعد هم نفسهم يرتبونها تراهم مو صغار
وتقدرين تعودنيهم يشيلون السفره معاك ووعلميهم ان الغرف الباقيه ممنوع يجونها
وخلي الصاله لك ولزوجك تقعدون فيها وتستانسون بحياتكم واللي يبي يجي يجلس معكم يجلس بهدوء او يرجع للمقلط

وبكذا اصلا تعودينهم مايجون عندك اذا كان فيه ضيوف وحتى لو جاك ضيوف فجاءه بيلقون كل شي مرتب


ثالث شي حاولي تجيبين لهم العاب مسليه وتحتاج تفكير مو حركه مثل التراكيب فيه اشكال مررررررررررررره روعه اللي هي صوره ويعيد تركيبها
وعطيهم كراسات رسم والوان شمعيه عشان لا خربو الجدران يمديك تنظفينه وماتوسخ ملابسهم

رابع شي الطفل الصغير اجلسي معاه وحسسيه بحنانك تراه مابكا الا وهو محتاجك


وقبل كل شي احمدي ربك تراهم نعمه وغيرك مو محصلها وشقاوتهم فتره وتعدي بكرا يكبرون وتقولين فقدت لعبكم واصواتكم ولجتكم بالبيت الله يحفظهم لك ويرزقك برهم يااااااااااااارب


خامس شي حطي وقت لزوجك وشغلي قران بالمطبخ وانتي تشتغلين عشان تهدا نفسيتك


البيبي الصغير خليه يجلس قدام التلفزيون عوديه على قناة براعم تراها مفيده واحس الطفل يتكلم بسرعه معها ويصير ذكي عن تجربه صدقيني وعوديه يجلس بالكرسي الهزاز حق الاطفال ترا الطفل بس يتعود عليه مايخليه حتى لو كبر وبينفعك حتى وعمر طفلك سنتين واكثر


واتمنى بالنهايه ان الحلول هذي تفيدك او تفيد غيرك وبالتوفيق يارب والله يخليهم لك يارب