بنات ماادري كيف ابدأ والله اكتبلكم وانا ارتجف من كثر الشهاق والبكى
امي جرحتني ومو اول مره تجرحني فيها
بقولكم القصه بس ودي افضفض
انا لسا ماكملت 26 سنه موظفه والحمدلله وجميلهبشهادة الجميع بس لسا ماتزوجت
اشتغل اخصائيه بمستشفى ووظيفتي حلوه ومرموقه والحمدلله
السالفه يابنات ان امي كلفتره تسلني كم عمرك وارد عليها
وتقولي وانت الى الحين ماجا احد يخطبك
بالبدايه كنت اسكت وماارد
لين صرت اقولها يمه هذا نصيب والي يبه ربي بيصير وهذي فلانه وعلانه كلهم بعمري ولسا ماتزوجي
وامشي وماانتظرها ترد لان ببساطه تكون عيوني غرقانه دموع ولا ابي تبكي قدام احد
اخرتها الليله سالتني قالت انت عمرك 30 قلت لالالا يمه توني ماكملت 26 سسنه قالت يوه وانت الى الحين ماجا احد يخطبك اكيد عشان وظيفتك مااحد يبي الي بالمستشفى قلتلها يمه هذا نصيب ووظيفتي عزتني واكرمتني...وانتهى كلامي معها ورحت اركض غرفتي ودمعتي سبقتني
و يابنات خصوصا عقب وفاة ابوي صدق اني ماورثت كثير لكن الحمدلله وظيفتي ماخلتني احتاج لاحد وعزتني عن اني احتاج لاحد
تدرون وش الي طاعني اكثر لما تذكر ابوي وش كان يقولي كان دايم يفتخر بتخصصي واذا جلس بالمجالس يقول بنتي دكتوره وكان يقول بفتح مركز لك ابوي كان يحب التعليم ويفتخر فيني
وكان دايم يتغزل بجمالي ويقول ابي تخطبينلي وحده مثلك ومثل جسمك حلوه
وياحظ الي بياخذك يابنيتي
عمره ماحسسني اني عاله والا بايره
كان دايم اذا شافني شايله ولد صغير من عيال خواتي كان يقول يارب اشوفك شايله ولدك بس توك صغيره
ماكان يحسسني بهالاحساس الي امي تجرحني فيه
بس ابوي عزوتي حبيبي راح الله يرحمه
علما يابنات انا قد تقدم لخطبت كذا واحد بس مايناسبون
امي جرحتني
والله انا مجروحه
ولا اقدر اقولها لا تقولينلي كذا ولا ودي اقول لوحده من خواتي تكلمها
لاني احس باهانه لذاتي لو اشتكيت عشاني ماتزوجت
والله مجروحه مجروحه دموعي عيت توقف
يارب عوضني خير
ادعولي
صعب لما تقارنين بين تعامل امك ورحنية ابوك
وخصوصا ابوي توفى وراح ماعاد فيه احد يدافع عني ويجبر بخاطري
انا جميله واخلاقي عاليه واهلي اجاويد والي معاي بالشغل كثير منهم متزوجات
ودي اقول لامي ترى مو وظيفتي السبب لان الي معي كثير متزوجات
بس انا احاول اخذ الموضوع بابتسامه وانه عادي ماهمني
لن كبريائي مايسمحلي ابكي
اسفه يابنات الاسلوب ركيك وملخبط بس والله اكتبلكم وانا ابكي
كل وحده تدعيلي بالزوج الحنون الي يعوضني عن ابوي
ويجبر قلبي
الموضوع مغلق