من زمان ماحطيت مكياج والسبب.............؟؟؟؟؟؟؟؟؟؟؟

والله انا عندي مشكلة شبيهة بمشكلتك بس جربت نوعيات كثيرة (مع العلم بشرة وجهي مختلطة لكن جافة جدا عند الخدود فقط) لكن جربت المرطبات وكل شيء نفس المشكلة وجربت الماركات الغاليه ونفس الشيء

لكن اخر شي من سنتين طحت بكريم اساس (مايبلين) النوعية القديمة مو الجديدة لانهم نزلوا جديد احسه مختلف عن القديم لكنهم بعدهم يبيعون القديم وسعره رخيص يعني حوالي 45ريال هذا شكل الكريم القديم

وبصراحه لائمني جداااااااااا واستخدم بعد البودره من عندهم اللي علبتها رصاصية مستطيله لانه في نوعين عندهم وبصراحه ما عاد احس الماكياج يتشقق ويتقشر لكن اي نوعيات ثانيه حتى لو غاليه ما تناسبني ابدا

لكن بعدني اتساءل في بنات ما شاء الله حتى لو بشرتهم مو صافيه لما يحطون الماكياج وكريم الاساس يطلع عليهم 100% صافي ومو متشقق

انا على الرغم من انه بشرتي صافيه جدا ومافيها حبوب والحمد لله الا انه بس جفاف من عند الخدود وارطبها قبل بس ما يطلع مثل البنات

ما عدا في يوم عرسي ما ادري حطت لي انبولات وكريم بصراحه خلى بشرتي مثل اللعبة وفيها لمعة حلوه :)

يا رب حد يساعدنا

وينكم يابنات؟؟؟؟؟؟؟؟؟؟؟؟؟؟؟؟؟؟؟؟؟
افا وش ذا العلم؟
ماراح تردون ؟؟؟؟؟؟؟؟؟؟؟؟؟؟؟؟؟؟؟

تسلمين ياحلوه على الرد
وين القى هذي الماركه؟
انتي من الشرقيه؟

والله انا من الرياض
ودايم القاها في كارفور
وحتى في ابوظبي موجودة في كارفور

تحصلينها في كارفور نفسه من داخل عند الشامبو وهالاشياء في جزء لنيفيا وجزء لمايبلين
اللي هي نفس ماركة الماسكرا اللي الحين طالعة XXL اللي لها دعاية بالتلفزيون بالابيض والاسود

بس انتي جربي ومثل ما قلت لك انا اعجبني النوعية القديمة من لكريم مالهم وهو ما يسوي طبقة كبيرة على البشره يعطيكِ منظر طبيعي يعني ما يسوي تغطيه كبيرة مره مو مثل الدهان يعني :) لا تكون البشره عادية
انا ناسبتني ما ادري اذا تناسبك ولا لا جربي ما راح تخسري وهو رخيص مو غالي

وشكل علبة الكريم الاساس القديم غطاها كحلي اما الجديدة غطاها برتقالي شوي خوذي القديم او جربي الاثنين على يدك وشوفي اللي يناسبك
وبالنسبة للبودره انا اخذت النوعية الرصاصية مو الكحلية

هذا موقعهم
http://www.maybelline.com/home.aspx?res=true&res=true&res=true&res=true