كيفكم يا حبايب ...
بغيت أستفسر عن الوجوه اللي كأنها مخملية ما شاء الله ...
يعني بالمكياج ما يبين عليها تقيل و مو كأنك تغرفيه بملعقة من وجه الوحدة .. !!
و بنقس الوقت يعطيك احساس البشرة كأنها مخملية ..
طبعا نلاقيه في بعض البعض البعض المشاغل اللي أعرفها ...
و ألاحظه غالبا في الدروس تبع الماكييرات زي جويل أو بعض المذيعات ..
و هكزا ...
فكيف ممكن أحصل عليه ، يعني هل هو أصلا نوعية معينة أو خطوات معينة تيدأ بشي و تنتهي بشي ؟
أو كيف ..
ما أدري بصراحة إذا قدرت أوضح اللي ببالي ..
بس ح أرفق صورة ..

و ح يردوا علي مجموعة بأنها فلترة فوتوشوب بس أنا أقصد مش بس في الصور يعني أحيانا في الفيديو في المسلسلات و أحيانا فعلا تشوفيها في بعض الزواجات وكدا ..
ياريت اللي عندها خبرة تقول لي ..
.*.*.*.*.*.*.
كمان سؤالي عن شي
احنا دايما لما نحط الاساس ..
يطلع شاحب في الوجه ...
و كأنك مونايمة و عندك أشغال شاقة من قبلها بفترة !!! :09:
لما الكوفيرات يحطوه ما شاء الله يطلع مورد و لزووووز ع الوجه
( طبعا مو كل الكوفيرات بس البعض )
وفيلو لمعة نواعم
كمان هل هي خطوات معينة و لا منتج بعينه ؟
أعتذر إن كثرت عليكم .. مسبقا .. :26:
و الله لا يحرم الجميع الأجر ..