بنات الشهر الثامن تعالوااااااااا عندي - مجلس جديد -

اول شيء كل عام وانتو بخير والله يتقبل منا ومنكم صالح الاعمال.
ثانيا باركوا لي اليوم اول يووم بالثامن :icon28: فقررت اني افتح هالمجلس علشان يخف الضغط على حوامل السابع ويصر لنا موضوع خاص نناقش فيه امورنا ونستفيد من خبرات بعض في الادويه والآلام ونصايح الدكاتره والتجهيزات وغيره
انا لسه استعمل الحديد لأن دمي7 والدكتوره قالت لي لازم آكل حديد حتى بعد الولاده مع الفيتامينات واسمها مكس فيت لونها برتقالي وطبعا الكالسيوم والالام اسفل البطن ولله الحمد حدث ولا حرج بالاضافه للثقل رحت امس موعد للاشعه رباعية الابعاد وشفت النونو ماشاء الله تجنن - بنت - شبه اخوها اللي اكبر منها والحمد لله كل شيء طبيعي .... الله يتمم علينا ويمرر الايام هذي بسرعه.. آآآمين

363 تعليق 200,857 مشاهدة

شاركي في النقاش

سجلي الدخول لإضافة تعليق.

التعليقات

343
  1. @am_aabdalkadr

    السلام عليكم
    شلونج ولهانه وزعلانه بس ليش ولهانه وزعلانه .. ان شاء الله فرحانه دائما ..
    اني بعد خمس ايام ادخل بالثامن حبيت اكون وياج بموضوع .... دائما القى تجمعت البنات بالشهور وما الحق اني انضم لهم .. القى مواضيعهم طويله ورودهم هوايه .. بس هذه المره اني من اول المشتركات علمود اكون وياكم من البدايه وأتعرف على حوامل بصورة احسن ..
  2. @olhanh_o_zaalanh

    صاحبة الموضوع
    حبيبتي حياج معانا على فكره انا كل صاحباتي عراقيات ناس اعرفهم بالسعوديه وناس بره وهلا ومرحبا فيج معانا
  3. أهلين بالحلوين(((((أقصد اللي في الشهرالثامن فقط)))))
    وطبعاً أنا وحده منهم ولي أسبوعين في الثامن...
    ومن العايدين والفايزين أن شاء الله..
    وبصراحه أنا بداني الخوف من الولاده يمكن علشاني بكر،،،
    والمشكله أني لسه ماخلصت من شراء أغراضي وأغراض المولود،،،أنتم مثلي؟؟
    لا( وأزيدكم من الشعر بيت)أحس أني ثقلت مره وتوني ماحددت المستشفى ألي
    بولد فيه...





    وسامحوني على كثر الكلام:::::
  4. اهلين حوامل الشهر الثامن قبل الاخير :27:

    لي الاسبوع الثاني من الثامن يعني 33 اسبوع والتعب عندي اكثر من الشهور الي قبل حتى ما احس فيها وحجم بطني صار اكبر اذا تلاحظون يكبر بسرعه وعندي الم فظيع في كعب الرجل كانه نار فيه اذا امشي والم الظهر مو على طول اهون

    الله يسهل على الجميع وتكون ولادة ميسره
  5. @am_aabdalkadr

    حبيبتي ولهانه الف شكر لترحيبج الرائع ..
    اني من دخلت بشهر السابع والالم ضهري قويه .. وصار عندي ثقل بالحركه .. واكثر شيء يألمني هو حركه الطفل ..بالحقيقه هذا اول حمل الي والى حد الان ما اعرف اذا كنت حامل بولد لو بنت ..
    اني اعيش بالسويد ..وهنا النظام عدهم ميقبلون يقولون جنس الطفل ..

تابعي تجارب أخرى من هذا القسم.