يسعد مساكم وكل اوقاتكم يارب
كيفكم يابنات
يارب تكونون تمام والنفسيه عااال
.
.
وعليكم السلام ورحمة الله
اهلين ياعسل
صحيح انا قلت انه بنفس اليوم
بس لما بحثت لقيته يختلف من اداره لاداره
بمنطقتي بنفس اليوم وعلى نفس طاولة المقابلة الشخصية
بس ياقلبي أياً كان وعشان ماتعرضين نفسك لـ سين وجيم
خذي معك افادة من عمل ولي الامر .. قبلوها بنفس اليوم
كان بها .. ماقبلوها راح يعطونك استماره تعبينها
وترجعين لهم ثاني يوم .. وبالتوفيق يارب
.
.
اهلين وريف
من كرت العائلة تنكتب المهنة متسبب
بـ كرت العائلة الجديد مو مكتوب
عشان كذا انا قررت اخذ اخلاء الطرف النهائي لولي امري
.
.
ياحياتي انتي
والله الهواجيس لعبت فينا
احس الخط ذا تقفيله يعني بس 4 خبرات
بس ليه ماقفلت الدورات؟ << بتهوجسك اكثر
لا ياقلبي لا تشيلين هم دامها قالت انتظري رساله
انتظريها .. وتوكلي على الله
الله يتمم فرحتك وكل المرشحات يارب
.
.
وعليكم السلام ورحمة الله وبركاته
واهلين فيك ياعسل .. ويارب يكون لك من الدفعه الجايه نصيب
ومو بس تتابعينا .. تشاركينا .. ربي يسعدك
بالنسبة للبنات بالقسم يعلم الله اني ادعي لهم زي ماادعي لنفسي
وياختي حتى حنا المرشحات ترا ماترشحنا على طول
ذقنا اللي ذاقوه .. بس الحمدلله على كل حال
ادري ان النفسيات تعبانه وادري انهم متضايقين
وماخفي اعظم ..
بس هذا مايبرر ردود بعض الاخوات << بعض مو كل
سبحان الله لدرجة تحاولين تدعين لهم تخففين عنهم
يردون عليك بردود نابعه من حقدددد وحسد؟!! ليه؟
ويمكن شفتوا بعض الردود حذفوها الاشراف؟!!
ليه كل هذا؟
الرازق هو الله سبحانه
ولا يؤمن احدكم حتى يحب لاخيه المسلم مايحبه لنفسه
صدقيني بعض الاخوات طول ماهي نيتها بهالسوء
ماراح تفلح ابد ابد
واعيد وازيد ((بعض الاخوات)) بالقسم اللي والله كرّهوني
اني ادخل مواضيع او ارد على احد
صرت اول ماادخل القسم اطالع المواضيع المثبته بس
وبالمقابل .. لي اخوات بالمنتدى واغلبهم ماترشحوا
هم بالنسبه لي بمعنى الكلمه اخوااااات
وقفتهم معاي , دعواتهم لي , حبهم لي ,... الخ
مهما قلت عنهم اظل مقصره
لكن لا املك لهن الا الدعاء
اسأل الله ان يجزيهن عني الجنه
وان يفتح لهن ابواب الرزق والسعادة
وان يكفيهن شر ما اهمهن
واسأله ان يفرح قلبي بترشيحهن قريباً
ولا يحرمني صحبتهن في الدنيا
ومرافقتهن في الجنه
آمين ,, ولكِ انتِ بالمثل جزاك الله خيراً
وسامحيني ان اطلت
لكن فتحتِ لي باب
.
.
اهلين الشوق الابدي
ايه كذا خلصتي المطابقه ماشاء الله
ومبرووووووووووك ياعسل
عقبال المقابله وباقي امورك الله ييسر لك يارب
ولكل المرشحات
.
.
وعليكم السلام ورحمة الله وبركاته
اهلين الياسمين
انا هناااااااااااااااااااااااااااااااااااا
سمعتي؟لا والله مارحت .. سحبتها نومه
دقيت عليهم الظهر .. قالوا لي
هالاسبوع مافيه شي .. الاكيد الاسبوع الجاي
ان شاء الله بعد ماتخلص فترة المطابقة
سكرت.. ودقيت على قريبتي موظفه هناك
سألتها قالت لي نفس الكلام
قلت طيب ماوصلتكم اسماء على الاقل نتطمن
قالت لا ..
الله ييسر ويتمم تعيينا على خير ياااارب
آمين
.
.
فيه وحده من الاخواتي ربي يسعدها
سألتني عن المقابلة الشخصيه
سويت اقتباس لردها وماطلع لي هنا
بالنسبة للاسئله ياعسل
تختلف من مدينة للثانية
لان اللي يحطونها هم المشرفات
وكل وحده بتحط اسئله من عندها
وفيه مواضيع بالقسم حاطينها البنات ربي يجزاهم خير
مجمعين فيها الاسئلة
منها موضوع اختي الغاليه اسعد امرأة
http://forum.hawaaworld.com/showthread.php?t=2393933
وموضوع ارقى بنت ربي يسعدها اذا ماكنت غلطانه
الله يوفقكم جميعا