الفزعه ياهل المنتدى -لو كنت مكانها وش بتسويين ولو القارئ رجل يهمني رايه جدا جدا جدا

مساء كم جنه وسعادة
حكت لي أغلى إنسانه (؟؟؟؟؟؟؟؟)) عن معاناتها الشدييييييدة في حياتها فاستأذنتها في طرح معاناة سيتعجب قارئها من شدة صبر صاحبتها ،،،:44:
اتكرككم مع كلام اختنا فتقول ((الم اكتب قصتي لأجد حلا لأن مع زوجي استفذت كل الحلول مابقى لي غير الدعاء وإنما كتبتها من باب الفضفضة ومايهمني أكثر آرائكم ودرركم الذهبية فيما لو كنتوا أو كان من يعز عليكم في مثل حالتي وش السوات بس ))
أنا سيدة أعاني مع زوجي اشد المعاناة تزوجته من 11 سنه ولي منه بنتان وولدين أول شي أقنعني إني اخذ تقاعد مبكر بحجة ظروف صحية وجابلي مايثبت بالواسطة وقالي جلسي في بيتك عيالك أولى واحمد ربي قبل لا أتقاعد عملت مشروع لنفسي صغير بارض أخذتها اول مااشتغلت ولا كنت طلعت من المولد بلا حمص وأجار هذه الشقة مع راتب التقاعد يصير لي مصروف متوسط .
تخيلوا يااخواني وأخواتي عمري ماسمعت كلمه حلوة ولا مرة غير مرة قالها بشهر العسل لما أنا سألته ؟؟؟ أكيد بتتوقعون انه مايحبني بالعكس تزوجنا عن قصة حب وكنا نكلم بعض واذكر مرة قالها لي وقت الخطوبة مرة يتيمة لما سألته أيضا احبك و تخيلوا بالقطاااارة أنا حبيته بكل ماتعنيه هالكلمه لحد العشق ،، عمري ماقصرت معاه بشيوربي مايخطر على بالكم كم وكم وكم قدمت له مستعدة احرق أصابعي شموع لتدفئ ليله دافئة لتسعده عملت له المستحيل اذا مرض عاملته وكأنه اصغر طفل في الدنيا اسهر عليه أضمد جراحه ومشاكله في عمله مستمعه جيدة له أساعده في حل مشاكله خارج البيت دين وفيني دين راضيه ربي والديني الله يطول بأعمارهم ، دلع واتدلعت كشخه واتكشخت روتين وكسرت وليالي حلوة ورومانسيه وبدعت وواجبات الزوج والاولاد مادري وش أسوي كأني خدامه لهم وأنا راضيه وفنون الطبخ أنواع واشكال عمل واتخليت عنه واتقاعدت لأرضيه وما بقي لي من مصروف صغير ويأخذه كله وما يبقي لي إلاالقليل منه ورضيت وبالمقابل ولا مرة اثني على ولا على أي شي أسويه مايمدحني ابددددددددددددددددد ابد وإذا ناقشته (يقول بكل قسوة) هذا دورك في الحياة .
السعادة معاه موت حمر ،،
إذا مرضت مايهتم فيني أكون طايحه بالفراش ويشوفني ولا يعبرني يبدل ويأكل ويشرب ويطلع ورب الكعبة اذكر مرة أقوله بموت تعبانه أقول ودني المستشفى يقول مافيك إلا العافية ويحطلي باكيت أدول ويطلع واتره الضغط عندي نزل فجاة وكنت بدوخ وماعندي في البيت احد غيرة هو وأطفالي الرضع مايدرون وش يسوون ورب الكعبة رد الباب وطلع وأنا استنجد بيه تدرون وش صار دخت والجهال يبكون لوحدهم ولاحد يدري فيهم ولا فيني وبالصدفة جات أختي تزورني وحصلوني بهالحال وبسرعه للمستشفى وكنت بروح فيها لولا قدرة الله وربي هذا مثال لمئات من الامثله المشابهة والافضع من كذا .
(طول الوقت مع ربعه كشتات وطلعات وسهرات وبس ، البيت بالنسبة له ورب الكعبة مااشوفه إلا وقت النوم ، وإذا ناقشته مانعني حتى من النقاش في طلعاته وحياته يعني مااقدر افتح هذا الموضوع لأنه محرم فتحه معاه وإذا فتحته يقلب عاليها سافلها يعني أموت من القهر ولا اقدر أناقش الحمد لله والشكر .
حتى الجنس حارمني منه في السنة حسنه وبرغبته هو فقط متى مااراد وبصمت رهيب قاتل وبدون مقدمات حتى انه محدد أيام معينه يختارها هو في الأسبوع بحسب رغبته عمركم شفتوا واحد يحدد أيام للجنس أصلا الجنس بالذات يجي للصدفة وشرحتله وفي لحظات حلوة وممكن فجاه وبدون مسطرة وقلم وجدول حنا مو في مؤسسة حكوميه ونحضر لاجتماع ، تصدقون كرهت الجنس وربي يمارس معي الجنس نفس الطريقة كل مرة يتيمة طبعا بعد كم أسبوع مرة وأنا بعز شبابي وجمالي وكشختي ودلعي المتناهي وأخلاقي والكل يطري على ؟؟؟؟؟؟ وكأني جهاز مبرمج لراحته فقط له طريقه في الجنس تقليدية عنيفة صامته تصدقون انه وهو يمارس الجنسكل شوي يطالع ساعته يحسب كم دقيقه يمارس الجنس وبعد مايخلص يقول تصدقين خلصت في (---) دقيقه ومره فرح لأنه وصل للربع ساعة .
بالله عليكم يعني إذاالزوج مزعل زوجته بالله عليكم يدخل الغرفة ويقلبها بدون نص حرف ويمارس الجنس وهي قلبها محروق منه ولا نص حرف ترضيه ولا المفروض يطيب لها خاطرها وكلمتين حلوات يهديني من تعب قلبها ويأخذ حقه الشرعي ليكون الجنس كنهاية طبيعيه لمراضاة الزوجة كأي زوجين في هذه الدنيا ولا أنا غلطانة ؟؟؟؟
زوج مايصرف على بل أنا إلي اساعدة (بدخلي البسيط من المشروع وأجار الشقة ) في كل شي بالبيت ومايبقالي غير 500 ريال شهريا فقط وإيه تسوي ال500 ريال في هذا الغلاء واحتياجات المرأة الكثيرة وصابرة لا وباليته مقدر؟؟ حتى اولادة فين وفين لما يشتريلهم حاجياتهم رغم إن دخله زين يعني (بخل * بخل * بخل )اااااااااااااااااااااه والحمد لله بس وش أقول .
زوج ماعنده من فنون الحوار الزوجي اقله يعني لما احاورة في أي شي وأكون قمة في الهدوووء تدرون وش يسوي صراخ وهجوم واتهامات وضرب أمام أولادي الصغار وأما الخدامة اااااااااااااااااه والحمد لله على كل حال المهم انه يفرد عضلاته على ويبن انه هو الصح وأنا الغلط عمرة مااعترف انه غلطان عصبي لدرجه لا تتخيلونها عصبيته قست قلبي الحنون عليه كرهني فيه بعد ماكنت اعشقه بلا حدود ؟؟
كرهني حتى في الحوار معه لأنه من الأساس ماعنده اسلوب جيتله كتب واشرطه روعه عن فن الحوار احتواء المشاكل الزوجية وكيفيه معامله كلا الزوجين وفهمته أن الكتب لنا حنى الاثنين نستفيد منها عشان لا يتضايق او يتحسس حاولت بطرق مباشرة بهدوء وغير مباشرة وكلها هباء منثورا .
وإذا غلط يستخسر انه يراضيني فهمته علمته وفي لحظات يكون فيها هادي أقوله زوجي الحبيب إذا اختلفنا وانأ كنت الغلطانة أراضيك طيب إذا صار العكس ليه ماتراضيني الأول وبعدها تأخذ حق الجنس الشرعي يكون له طعم أقوله طريقتك هذه تشعرني باني جهاز مبرمج لراحتك فقط أنا إنسانه ولي مشاعر والرسول قد أوصاكم بالنساء خير ،، تصدقون وربي انه صرت اعلمه وبشكل غير مباشر كيف يتعامل معي وبلا فائدة واحاورة بهدووء إن المراه مثل السيارة بدون بنزين ماتتحرك وهكذا المرأة بدون دفء زوجي وحب وحنان وشعور بالأمان مع زوج لطيف وانه إشباعها عاطفيا أفضل من إذا حطيت كنوز الدنيا على طبق من ذهب وأهديتها إياها ولا تخليني ابحث عن الحنان خارج بيتي تكفي .
يقول ****لله بتغير ولكن هيهات بلا ادني تقدم وربي وصلت معه مرة إني اكتبله بأوراق إن يازوجي اذا سويت كذا قول كذا واذا صار مني هذا الفعل الطيب احتاج اسمع مثل هذاه العبارات واكتبله أمثله ومره كتبت له على باب كبته عشان كل مايفتح كبته يتذكر وقال ****لله وبلا أي تغيير من الامثله اذا سويت له أي خدمه تنظيف البيت وترتيب حاجياته واغراضة علمت الأولاد شغلات دينيه عمرة ماشكرني ولا مدحنى حتى اذا طبخت له طبخه حلوة يستخسر فيني يمدحني يموت ولا يمدحني
ومرات إذا كنت اسولف بشي ء يتمصخر ويضحك واصلا مافي شي يضحك وكذا مرة ازعل عليه ويكررها باستمرار والمصيبة عاد إذا رحت للأفراح والمناسبات والعزومات وربي اني عمري مارحت لمناسبة إلا وأطلق على نجمه الحفلة أو العزيمة ويقولون لي يابخته زوجك بك مو مدحا في نفسي لكن احمد ربي فيني من الجمال والدلال إلي يتمناه أي رجل في الدنيا وربي أقولها بثقة ولاإني مقصرة معاه ماخليت شي من فنون المداعبات وكسر الروتين وفنون إبداع في كيفيه إسعاد الرجل في المجلدات ومن ( خبرتي السعودية) حدث ولا حرج ووكل مايخص جديد إسعاد الزوج في النت إلا وعملته في حياتي الزوجية وربي ولا فيني ذرة غرور عليه بالعكس قمة التواضع يعني عنده زوجة تملك (الدين )يوميا أقيم الليل (والأخلاق) من عائله طيبه عمرة ماحد اشتكى منها ابد وفيني من ( الجمال) الكل يشهد به و(الدلال) إلي يحبه الرجل الشرقي بجميع أنواعه واعي بجميع فنون (رقص الغنج )وارقص له وربي حتى مايطالعني ويلهي نفسه بأي شي عشان لا يطالعني ويقلب وجهه مني واشعر في هذه اللحظات إني ذليلة وأقول في نفسي ليتني مع واحد يستاهل كل هذا وكرهته كره اه مااقدر أوصف .
مرة لمحت له إن لا تخليني ابحث عن الحب خارج بيتي وبمزح سكت ولا رد .وبالفعل دخلت نت وفكرة إني أسوي علاقة في راسي بس خوفي من الله وتربيتي وأخلاقي يمنعاني من الخوض في مثل هذه العلاقات التي اعرف نهاياتها الماساويه وترددت 3 سنوات وفي لحظة قهر وضعف تعلقت بشاب في ألنت 9 أشهر أعطاني كل ماحرمني منه زوجي بس قطعت علاقتي به ولم يأخذ مني غير حروف بالماسنجر حتى لا صوتي ولا صوري ولا رؤيتي لم يحظي بأي من هذه الطلبات التي كان رفضي لها سبب لفراقنا.
لما احكي للمقربات مني يحبطون أن كل هذا ولا هو مقدر قهر وخسارة فيه ويحكوه لي عن أزواجهن أنهن مايسوين لهم ربع هالشي وأنهن يلاقين إلي يرجين من أزواجهن رغم إنهن اقل مني في أشياء كثييييييييييييرة .
بعد مايسأت منه فكرت إني أهمله لأني أصبت بإحباط ماله حد وقلت مايستاهل ذرة من كياني فأهملته 4 سنوات مااسوي له إلا الشي بحدود وقللت على الآخر تخيلوا بعد كل هذا الاهتمام وتحصل الواحد يهملك فجاه ماتحس وربي حتى كلمه ماقالها ولا سأل ليه اهملتيني أو قصرتي في أي شيء كنت تسوينه ؟ ولا حتى عبر بشي يبين انه ملاحظ
أهم شي عنده جدوله الروتيني الممل يمشي واني أقوم بواجباته وواجبات أولاده مثل مايبي وانأ ساكتة ومالي أي حق أطالب بأي شي وكثير من المواضيع محظور النقاش فيها ومن غير يتضايق إذا بغيت أغير جو واطلع مع صديقاتي أو اذاعزومه اواي شي يسعدني عمري مارحت مناسبة إلا ومتنكدةوبكيت بسببه
أكيد بتسالون وين إخوانك وأخواتك أرد كل واحد بعالم زوجته واولادة ويدرون للأسف يقولون حاولي كلميه يمكن يتعدل بس لازم تتحملين عشان أولادك واحد منهم كلمه ورد ****لله بتغير وبدون فائدة وأبوي وأمي ناس كبار في السن ، مرة أتدخلوا وحاولوا فيه ووعدهم بنفس النتيجة وفي الواقع لا نتيجة ايجابيه معه .
بتسالونيمكن سحر لا مافينا إلا العافية رحنا لأكثر من شيخ الدين.
ياجماعة ادري طولت عليكم بس المصيبةان صبري نفذ وربي حتى الصبر مل مني أحس خلااااااااااااص طفح الكيل بس ماعندي حل ياناس مااقدر أعيش بدون إنسان يشبعني عاطفيا ويرفق بي ياناس تعبت ولا اريد الحرام حاولت بالحلال بكل الي يخطر على بالكم من حلول طيب وش اسوي تعبت حتى مو محصله حضن يلمني بحنان وحب زوجلزوجه تفانت في إعطائه كل شيءو وزوج حارمها من كل شي أو اقل حقوق تسعد بها أي زوجه إنا محرومة منه 11 سنه
اقسم بالله متزوجة بالاسم فقط فقط فقط ؟؟؟:44::44::44::44::44::44:
اسالكم بالله وعظمته وجلالته ...
لو القارئه امرأة لو كنت مكاني وش بتسوييين ؟؟
لو القارئ رجل لو كانت اختك أووحدة تعز عليك وش بتنصحها تسوي ؟؟

ملاحظة / صاحبة المشكله بتدخل هالفترة بنك الاميرة بنت الامراء وبتابع ردووودكم الي تنتظرها على احر من الجمر ؟؟

16 تعليق 3,265 مشاهدة

شاركي في النقاش

سجلي الدخول لإضافة تعليق.

التعليقات

16
  1. @aasoool_55

    اختي الغاليه الله يعينك ويصبرك صدقين مالك حل الى الدعاء وصبر
    واحب اقول شي الحب ورومانسيه عندنا حنا يالحريم وقليل يكون رجل رومانسي بل يكون نادرنا
    اختي الحياه فيه اصعب من الي مريتي فيه في حريم يتعرضن لي ظلم عظيم لكن الوحده ماتقول الى الحمدلله وتصبر
    وصدقين الحب ورومانسيه مو كل شي بالحياه
    ادري انك مراءه وتحتاجين الحب لكن اذا زوجك ماعوضك بالحب مو معناها تخونينه اسمحيلي لوكل مراءه زوجه مايعوض بالحب راحت ودورت الحب بره كان كل الحريم دشرن وهذا الغلط
    صادقين الكثير مثلك لكن محد يفكر يبحث عن الحب خارج بيتها
    بالعكس انتي عندك حب ثاني ممكن تعوضين نفسك عن الحب الي فاقدته
    تدرين عندك حب لوتعطين القليل يعطيك الكثير هو حب الله
    وبعد حب عيالك وبناتك حبيهم وعطيهم الحنان والحب واشغلي نفسك فيهم راح يتغيراشياء كثيره في داخلك
    وابغكي تفكرين بي شي واحد انتي شريفه عفيفه مو علشان زوجك وبس لا لانك بنت اصل وفصل لانك تخافين من الله قبل كل شي وبعدين لك اب يحبك ورباكي وتعب عليك ومااعتقد يستاهلون منك دنسين شرف اهلك علشان انسان لو ان مسكتي راح يطلقك ويرسلك لي اهلك واهلك هم الي راح ينزل روسهم ترى زوجك موخسران يطلقك وانتي الي تندمين
    خواتي بالله فكرن صح ادري ان الرجال يضغطون علينا ويتعبون نفسيتن ومايحسون فين لكن فيه ناس يثقون فيكي ويحبونك حتى لو كان بعدين عنك واعتقد ان عيالك وبناتك مايستحقون منك ان بكره لو تعرفتي على شاب وغدربك وهذا الي راح يصير لان مافيه حب بالنت ولاخربيط يحبك لين يدنس شرفك ويفظحك وعيالك وبناتك ضحيه بكره يعيرون بناتك بك ارجوكي راجعي نفسك
    اختي سامحيني على كلامي والله انا ادري ان الزوج الجاف يتعب نفسيت زوجته ويوصله الي طريق مسدود ومظلم لكن دائم فيه نور لو حنا نختلقه من اجل ان نشعر براحه والامان
    وتاكدي انتي موجوده بالحياه مو علشان زوجك وبس لا علشان تعبدين ربك وتستمتعين بالحياه بطريقه صح
    والله اكثر الحريم ارداء من حالك بس محد يفكر مثل تفكيرك بالعكس احاولي تثبتين وجودك بتربيت عيالك وبناتك ودائيم استغفر الله لان الشيطان هو الي يحط الفكره براسك لان افضل عمل عند الشيطان تخريب بيت عامر
    الله يحميك ويرحم حالك ويسخر زوجك لك
  2. الله يسخره لج ياعمري
    وفعلا كل شي جربتيه ومافي حل عندي الا انتي مسويته
    مالك الا الدعاء وقيام الليل والله يصبرج ان شاءالله
  3. @ngmh_alshor

    من جدهآ صابره 11 سنه ع المعامله هذي .. كل شي وله حدود ياأختي لو تتطلق منه أبرك لهآ ..

    هي ع قولتهآ حلوه والحياه قدامها يمكن الله يرزقهآ بواحد أحسن منه .. خليهآ تملح له أنهم ينفصلون عن بعض وتشوف رده فعله ..

    والله يوفقهآ ويسخره لها ..

تابعي تجارب أخرى من هذا القسم.