شاركي في النقاش

سجلي الدخول لإضافة تعليق.

التعليقات

230
  1. @ahaaat_11

    انا بصراحه تطلقت مرتين المره الاولى بسبب انه كان يتعاطى ومعاي منه طفلين والثاني لان معاه حريم وانا الرابعه بس حسبي الله عليهم كانوا يغيرون مني ويعلم الله يابنات اني كنت اراعي مشاعرهم وهم كبار اصغر وحده عمرها 45 سنه ويشهد الله اني كنت سلبيه معاه قدامهم ولا اعطيه وجه عشان لااثير غيرتهم وماحملت منه ويبي يحرمني عيالي اللي من الاول يقول راعي شعوري انا وايد اغير منهم اذا شفتك معاهم طيب ليش تزوجني وهو عارف اني مطلقه وعندي عيال

    ادري بتقولون ليش توافقين عليه ومعاه ثلاث حريم بس قلت يمكن ربي يريحني معاه لكن للاسف ماريحني لا هو ولا حريمه حسبي الله ونعم الوكيل

    الحين سمعت ان طليقي ابو عيالي التزم وتعالج من المخدرات تكفون يابنات ادعو انه يرجع لي والله العظيم اني احبه وماقدرت انساه بس الظروف كانت اقوى مني ومنه

    كنت دائما ادعي له بالهدايه واحيانا اقول ياليتني تحملته وماطلبت الطلاق لكن ارجع اقول لعل في الامر خير والخيره فيما اختارها الله الحمد لله على كل حال

    والاخت قصة حلم ردك على عيني وراسي بس احنا ماقلنا اساميهم فلان بن فلان عشان تقولي استروهم حتى احنا داخلين باسماء مستعاره ماحد عارفنا بس صاحبة الموضوع ودها اننا نفضفض الله يسعدها ويعوضني ويعوضها ويعوض جميع بنات المسلمين

    والله هذي اول مشاركه لي00 وماصدقت الاقي الموضوع ابي افضفض مالي بعد الله غيركم افضفض لكم كلنا خوات

    معليش طولت سامحوني

تابعي تجارب أخرى من هذا القسم.