سحر المكان والزمان مبروك عرس اخوك والله يعينا اذا كبرو عيالنا
عسل وقشطه تدرين مفروض تصيرين مرشده اجتماعيه والله دايما نصايحك بمحلها وكلامك يكون مفيد مشاءالله تبارك الله والله يعينك على تعليم ولدك الحمام انا ولدي صارت له مشكله انه يتقرف الله يكرمكم وصار يمسك نفسه ويصيح مايبغى يطلع منه شي وكل الناس يهاوشوني يقولون اكيد انتي مهاوشته !!مع اني كنت مراعيته مره ووصيت الشغاله ان مالها دخل فيه وانا اعلمه للحمام خايفه على نفسيته خبرك خريجه علم نفس واعرف مشاكل التعليم على الحمام ..حتى الدكتور الخراشي هب فيني الله يهيديه محد يدري ان ولدي نفسه شينه مره .وجاه امساك وحوسه تعبت معه شهرين والله طلعت عيوني...ماتخلصت منه هالحاله الا يوم جته نزله معويه وجاه اسهال مشى الموضوع عادي اللهم لك الحمد
ام لمار مالك الا تقلبين نومك عيالك وتخلينهم نايمين وقت الفطور انا اذكر ولدي يوم كان صغير سويت كذا بنومه خليته ينوم بعد الفجر ويقوم بعد المغرب اصير اطبخ ونفطر براحتنا بعدين يقوم عاد مع هالشله مدري وش بسوي
باقي البنات وينكم ووش اخر اخباركم
|| ... تـجـمـعـنـا المجاهــدات... أمـهـات الـتوائـم الـرضـع و الخـدج ... ||
متابعة النقاش، صفحة 71