ماليزيا مجرد بالون فارغ .. وجهة نظر

السلام عليكم ورحمة الله وبركاته .
كنت مثل أي وحدة ما اسمع عن وحدة راحت لماليزيا او حتروح ..إلا واقول يا حظها ياليتني مثلها
وقدر الله اني اروح لها .
فوجدتها بالون فارغ زاهي الوان .
نعم .. حلوووووة مرة مناظرها وشواطئها لكن .. لا يغركم ما ترون من صور او تسمعون
ترى احنا عادة بس نصور اللحظات الحلوة واحلى المناظر من أطرف وأظرف زاوية أما الزوايا الاخرى ما حد يصورها .
وجهة نظري ..
احس انها ما تفرق عن المملكة بشئ الا الخضرة
أسواقنا في جدة أحسن من اسواقهم ، مطاعمنا أفضل ستين مرة من مطاعمهم وكمان حلال كله ، هناك فيها مطاعم كتيرة بس الله لا يوريكي أولا تكوني خايفة حلال او حرام تاني شئ طعم الاكل ما يناسبك الا المطاعم المعروفة من ماكدونالدز وكنتاكي وغيره لكن تخيلي انك تجلسي تأكلي منها ليل نهار غداء عشاء كل يوم اللين ما يخرج من خشمك . ما في بديل . الافي مطاعم تكون بعيدة عن فندقك أو في شارع العرب وهذا في كوالالمبور وهو شارع مفتوح والحر يسد نفسك عن الاكل .
الحمد لله .
اما الفنادق زي فنادقنا بس بدون مسابح وعري ، ففي كل مكان أي فندق ابو خمسةنجوم يكون حلو بس ادفعي فلوس وتلاقي في جدة نفس الغرف اللي لقيتيها هناك .
جوها حار ورطوبة عالية جدا جدا بحيث لا تطيقين نفسك
من حرارتها ما تشوفي حتى منتزهاتها او زي ما يقولوا حديقة الفراشات وحديقة التماسيح وحديقة الخرابيط ..الخ
الشئ الوحيد اللي تحسي انه يقعد في ذاكرتك حديقة الاسماك او اللي يقولولها ما تحت البحار (اكوريا) لانها مكيفة وتقدري تتأملي اللي فيها أما ما غير ذلك يارب لك الحمد .. بس تبغي تخرجي ترجعي الفندق عشان تتبردي او تستحمي .

أنا أقول هذا الكلام بس وربي من باب النصيحة
قبل ماأي وحدة تبغى تسافر لتلك البلاد تفكر ستين مرة ،
هل تتحمل الحر ؟
واين البديل الافضل من حيث الجو والصرفية ؟
ترى فوق هداك كله غالية ماهي برخيصة .
والله حزني منظر راجل الله يكرمه شفته في سوق الليل باين عليه خليجي ، جايب امه المقعدة في عربية في ذاك السوق
وزوجته واخته وبزورته والعرق يصبصب منه وامه تتنهد وعياله وراه والمطر يصب والرطوبة ما اقدر اوصفها ومسكين يدف امه بين المحلات وبي ما شفته وقف عند محل بس يبغى يمشي . مسكين شكله اتغر زينا بالسياحة في ماليزيا وقله عقله بس امشى امي واكسب برها
الله يعطيه على قد نيته .

لكن اقولكم المؤمن مؤتمن ولا يلدغ المؤمن من جحر مرتين .

على فكرة الامطار ممكن يوميا لكن سبحان الله ما تزيدك الا حرارة ورطوبة وضيق نفس .