شاركي في النقاش

سجلي الدخول لإضافة تعليق.

التعليقات

84
  1. @myn_ana_1

    الله يررررجكم .. بس الخوووف لو تستعمل هالاساليب ضدنا
    يعني يبخنا بالبف باف او الفلفل او اي شي ثاني ونروح فييها
    من جد الواحد يحتار مايدري يضحك من الموضوع ولا يبكي :(
    تهقون اخرتها نبي نطلع من البيت ومعانا اسلحه !!!
    خلصنا من الارهابين وخوفنا منهم طلعت سالفه شارع النهضه
    الله يستر علينا وعلى جميع بنات المسلمين ... آآآآميييييين
  2. الـــ عديل ـــــروح
    بس تعرف ايش المشكله لو يشوفنا حاطين يدنى بشنطه ممكن يسحب الشنطه منا او اذا طلعت السلاح الفتاح يسحبه قبل ما نبخه
    السلام عليكم و رحمة الله وبركاته ..

    صباح الخير يا أعضاء وزارة الدفاع الحريمي :) ..

    منوليتا :) يارب على طول مبسوطة ..
    ويختي الحجر ما ينفع في إللي عندنا !!
    إلا إذا شلنا معاها نبـّـيلة ( نبلة - نقيفة) مادري أيش
    يسموها تاني ؟؟ ونمشي ونصيد فيهم !!
    المصيبة إني ماكنت ماشية على رجولي ..
    بس المسافة من محل وقوف السيارة لمدخل البيت طويلة ..
    وتعرفي الصبح هدوووووء وكل مين في بيته أو شغله ..
    وهادا الأخ لحقني من المدرسة بالسيارة ولما نزلت
    للبيت نزل من سيارته ورايا .. عشان كدة وريته المقص :23: ..
    عشان أوريه إنه أي حركة منه حتتسبب في فقع كرشه :23: ..

    أيام العمر ..
    إحنا ما قلنا نقتلهم !! قلنا بس تفقيع عيون :23: ..
    وقد يكون مؤقت :23: وإذا حصلت وسار دائم
    هديك الساعة كل وحدة تشرد وتقول يا فكييييييك :23: !!
    وبروض ينقصو المعاكسين الداشرين واحد !!

    ومين إللي يقدر يحكم على وحدة تدافع عن شرفها وعرضها ؟؟
    ليش لهادي الدرجة الظلم ؟؟
    والله أنا أتوقع لو الحريم سووها الشرطة و الأمن والهيئة
    وقبلهم الأهل حيكونو أول المشجعين والمؤيدين !!

    والمسدس إللي يجمد الواحد في مكانه هو مسدس
    الكهرباء .. يصغق كهرباء بآلاف الفولتات ..
    يخلي الواحد زي المشلول .. من قوة الكهرباء إللي فيه ..
    وترى حلو ومجرب :) ..

    وكمان في مسدس لعبة حق أطفال فيه رصاص مطاطي ..
    وقسما بالله العظيم لو ضربتي بيه واحد من قريب
    يطيح في الأرض من الألم .. وأنا شخصيا مجربته :23: ..
    برضو ممكن يكون حل وخفيف وفيه منه مقاسات وفتاك !!

    وكمان الله لا يحطنا ولا يحطكم في موقف زي كدة ..
    لكن والله في وقتها حلاوة الروح تخليكي تدافعي
    عن نفسك أو عن بنتك زي الأسد ..
    لمن يتدفق الأدرينالين في الجسم .. يعطيكي قوة
    عجيبة تخليكي زي الرجل الأخضر تدافعي عن نفسك بأي
    طريقة حتى لو تخربشي و تقرصي و ترفزي و تلطشي
    وتضربي .. لكن عالأقل مافي إستسلام ..

    والله العظيم لو البنات أتسترو وأحترمو نفسهم
    ما سار كدة ..
    يعني بنات النهضة هدولا هما إللي جابوه لنفسهم !!
    ماشيين في الليل في شارع صياعة و يتمرقعو !!
    أيش أتوقعو ؟؟ يضربو لهم سلام و يفضو لهم السكة ؟؟
    وحتى البنت حقت برجس !!
    ماهي برضها ............!! أستغفر الله العظيم !!
    ماكانت شريفة عفيفة متسترة في بيتها أستغفر الله العظيم ..
    الله يستر علينا وعلى أهالينا و بناتنا و أخواتنا و أمهاتنا ..

    وإحنا عندنا مثل حجازي مدري إذا تعرفوه ولا لا ؟؟
    يقول :
    أمسكو غنمتكم .. ما يجيكم تيسنا !!
    ولو كل وحدة بدأت بنفسها و أخواتها و صاحباتها
    وأهلها وألتزمو بالحجاب والأدب والمشي على الصراط
    المستقيم .. والله مافي واحد راجل إبن راجل يقدر يعاكس
    ولا يلاقي وحدة يعاكسها بعد كدة ..
    لكن فين إللي يسمع و يشغل عقله ..
    والله في بنات وحريم مايستحو يستاهلو الحرق ..
    وبرضو فيه شباب و رجال وعجايز ما يستحو ويستاهلو الحرق ..
    لكن من جد ..
    إللي يمسك غنمته .. ما يجيه تيس جيرانه !!

    يا جماعة جننتوني قولولي أيش هو الحبحر ؟؟؟؟

    تحياتي ..
    جــــــــداويــــــــــــة
  3. الـــ عديل ـــــروح
    بس تعرف ايش المشكله لو يشوفنا حاطين يدنى بشنطه ممكن يسحب الشنطه منا او اذا طلعت السلاح الفتاح يسحبه قبل ما نبخه
    السلام عليكم و رحمة الله و بركاته ..

    مين أنا ؟؟
    ليش يستخدموها ضدنا ؟؟
    إحنا بنجري وراهم ونعاكسهم ونقرفهم ؟؟

    يختي العمر مش بعزأة ( بعزقة) :) ..
    و والله فيه شباب كتير ماعاد فيهم حياء ولا دين
    ولا أخلاق ولا غيرة ولا خوف من الله :( ..
    أنا سرت ما أعرف متى أنزل الأسواق عشان
    أشتري أغراضي .. في كل وقت قرف وشباب وبنات !!
    ياعالم فين أهاليهم ؟؟ مافي أحد يلمهم في بيوتهم ؟؟
    وفين الهيئة ؟؟
    ترى من زماااااان ما شفتهم ؟؟


    تحياتي ..
    جــــــــداويـــــــــــــة
  4. بصراحه والحمد لله ماصارت لي وتحرش احد بي لأني متستره حتى عيوني مااطلعهم الا للضروره
    واماكن الشبهات معروفه ومااروح الا واخوي معي
    التحرشات ماتجي الا لبنات صارو معروفات بكثر ماتبقق عيونها على الرجال ماتستحي خخخخخخ
    اما افضل طريقه انا انصح كل بنت تستخدم سلاح لسانها الطويل وتطلق العنان بالصراخ
    ولو ماشفتي تاب وانحاش
    خوذي رشاش مويه من ابوريالين بس عبيه بدل المويه قاز وولاعه من هنا وخليه يودع شكله خخخخخخخخخخخخخخخ
    اللهم لاشماته ويحفظ بناتنا وشبابنا من هالحثالة

تابعي تجارب أخرى من هذا القسم.