معادله المواد الدراسيه

السلام عليكم اخواتي عندي سؤال مررررره مهم وعجزت القى له اجابه واضحه وودي لو احد مر بمثل هاالتجربه يفيدني انا حاليا ادرس دكتواره بامريكا قسم علم نفس عام وتقريبا خلصت ثلاث رباع البرنامج ماباقي لي غير كم ماده وانا قش وخلاص المشكله الان زوجي لازم يرجع السعوديه ومافيه امل يمدد لان جهه عمله رافضين السؤال لو طلبت من الجامعه كشف بالمواد اللي درستها ورحت للسعوديه يعادلون لي المواد ولا لا؟واكمل دراستي بالسعوديه لاني ره تعبت معقوله كل المواد اللي درستها ماينحسب لي ولا شي افيدوني والله ضايق صدري ومقهوره

11 تعليق 1,679 مشاهدة

شاركي في النقاش

سجلي الدخول لإضافة تعليق.

التعليقات

10
  1. @la_llkhltat

    ماادري عن المعادلة بس مرة حرام انك ما تكملين
    انتي دامك تدرسي دراسة جامعية يعني التحقتي في البعثة خلاص صح ؟ اجل خلي زوجك يرجع وانتي كملي

    اذا ما التحقتي في بعثة الحكومة قدمي عليها من الملحقية انتي خلصتي عدد من الساعات يعني اكيد الحاقك في البعثة بيكون ان شالله مرة سهل
  2. @dowain

    حرام..لو انا منك كملت في امريكا ما بقى شئ ...تقولين بس باقي الربع
    ما ادري عن المعادله...بس معروفه جامعات السعوديه تطلع عيونك على غير سنع و تفلسف...خليكي كملي و ارجعي بشهادتك من امريكا. مهما كان شهاده دكتوراة من امريكا افضل.
  3. @basta

    اهلييييييييييييين

    مادري عن المعادله بس ممكن تكلمين جامعة الملك سعود وتساليهم اذا بيعادلون المواد او لا

    ماقد سمعت معادلة مواد للدكتوراه

    بس لو كنت مكانك بحاول باي طريقه اقدر عليها اني اكمل في امريكا لان مثل ماقلتي مابقى الا ربع المده

    وصراحه شهاده من جامعه امريكيه غير شهادة جامعة سعوديه

    وانتي مشكلتك درستي الاغلب في امريكا واخر شيء تتخرجين بشهادة جامعه ثانيه

    الله يكتب لك الخيره والتوفيق ان شاء الله

    اذا قدرتي تجيبين احد من اخوانك او عيال اخوانك اذا عندك يجلس معك الفتره الباقيه ويدرس لغه ويستفيد
  4. @full_moon_1

    صاحبة الموضوع
    BASTA
    اهلييييييييييييين مادري عن المعادله بس ممكن تكلمين جامعة الملك سعود وتساليهم اذا بيعادلون المواد او لا ماقد سمعت معادلة مواد للدكتوراه بس لو كنت مكانك بحاول باي طريقه اقدر عليها اني اكمل في امريكا لان مثل ماقلتي مابقى الا ربع المده …
    مشكورين اخواتي والله يجزاكم كل خير انا مشكلتي معقده نوعا ما لاني مدرسه بمدرسه حكوميه بالسعوديه وتنتهي اجازتي بانتهاء بعثه زوجي لكن الاجراءات بالسعوديه مرررره تطول ارسل خطاب لجهه عملي وجه عملي يرسلون الخطاب لاداره التدريب والابتعاث بالرياض وماتدرين متى يردون وبعدين يرسلونها مره ثانيه لجهه عملي يعني مشوار طويل انا قلت باسوء الاحتمالات لو ماسار لي اني اكمل هنا هل يعادلون لي المواد ولا لا؟

    لكن باحاول باكثر من طريقه اني اكمل والله يكتب لي ولكم الخير والصلاح
  5. @basta

    اهلييييييييييين

    طيب خلي زوجك يحول مرافق معك

    فيه وحده من البنات مثل حالتك كانت مرافقه والتحقت بالبعثه وبنصف دراسة الدكتوراه خلص زوجها فالتحق معها بالبعثه على اساس انه مرافق ودرس ماستر ثاني صار معه ماشاء الله 2 ماستر ودكتواره

    الله يكتب لك الخيره

تابعي تجارب أخرى من هذا القسم.