مبروووووووك مقدما لكل العرايس
والله يوفق الجميع
بالنسبة لمحلات الفساتين الجاهزة : عندج مركز البستان في دبي ( مجموعة محلات فساتين جاهزة ارخص من بوظبي) هذا غير محلات القماش الرهيب.. ومثل ما قالت طوق البنفسج لي لي فالي في أبوظبي مول عنده أشياء حلوة ينزلها من فترة لفترة
بالنسبة للمكياج: ما اتوقع ان في وحدة لين الحين ما تعرف خبيرة مكياج تمكيج عدل؟!! والأسماء المطروحة في المنتدى واااااااايد مثل منيرة والصوالين المعروفة مثل جويل وباريس غاليري ..
ولنا تواصل معاكم في المستقبل القريب بإذن الله
اووووووه صدق نسيت اقولكم: لا تشترن أغراض وايد حق الزهبة( ترى عندنا مرض اسمه السوق يعني لما يخلص العرس يمكن ما تكملين شهر والا انتي داشه السوق تشترين شي:) يعني ما له داعي تخسرين فلوس على أشياء يمكن تفيدج ويمكن لا)
ونصيحة ثانية : وقت الحنة مثلا لا تقولين حق المحنية انج عروس( اختي تحنت في ملجتها في البيت من فوق الأكواع مع نقشة الريل بــــــــ 200 درهم فقط) انا في عرسي ما قلت لهم وحنوني ب 120 درهم لو فلت لساني وخبرت اني عروس جان وصل السعر على نفس النقشة 800 درهم وأكثر)
والله الموفق
.. تجمع عرايس الامــــارت العربية المتحدة 2006 والمعرســـات قبل للأ فــادة ..
متابعة النقاش، صفحة 9