لكل مطلقة اسدحي لنا سبب طلاقك

حبيبتي على كثر ما كتبتي عن ما عانيتي بس ما حسيت انه فيه شي يستحق الطلاق بحق وحقيق !!
البيوت اسرار وموب كل الناس سعيدين
ليه ما تشوفين الاشياء الايجابيه فيه
اقري وش كاتبين البنات عن أسباب طلاقهم
ادمان خيانه سفريات مشبوهه

زوجك انسان ملتزم وما قلتي انه يغلط عليك والا يحقرك
واذا على اللي حرمتي نفسك منه وما ادري ايش مو انتي بروحك
امهاتنا قبل يا ما عانوا
ما يلقون ما يلبسون عيالهم والا ما يأكلونهم انتي على بالك امك وابوك من يوم جو وهم حالتهم زينه ؟
روحي لامك قوليلها تسولف لك عن ايام الجوع
الشاب بأول حياته من وين تبينه يعيشك عيشه اهلك
تأكدي ان اختيارك للشاب المتدين كان اختيار صح من الاول لحد الحين ولا تندمين ابد على اختيارك لانه ببساطه هذا هو الصح
الدين والخلق فوق اي شي
يا اختي اذا ما كنتي مرتاحه خليك معاه عشان بنتك
وتأكدي (اذا كرهت منها خلق رضيت منها اخر )
نفس الشي ينطبق على الرجل
لو تطلقتي وتزوجتي غيره لا تحلمين بالكمال
يجيك واحد اوكي يعيشك عشيشه ما تحلمين فيها بس مثلا ما يحافظ على صلاته
او يضربك او او ...
ناظري للحياة بمنضار اجمل ولا خوذي لك فتره نقاهه اقعدي عند اهلك فتره بس موب زعل لا فتره راحه وتفكير
أتوقع هذا اللي تحتاجينه بفتره اليأس اللي تمرين فيها

سامحيني لو قسيت عليك بتعليقي بس من جد ضايقني قرارك !!! :44:

الله يخلف عليكم ابرك منهم

تطلقت بسبب عقليته ومن ثم الحسد الي اصابني واعتقد انه كان بحياتنا سحر لا ن كان فيه اشياء غريبه تصير بالبيت وكان على كتفي حمل ثقييييييل جدا احس به وماراح الا يوم جاني الخبر يقول انه بيطلقك كاني كنت لابسه عبايه على راسي ونزلللت سبحان الله ومن المرض السرطان الذي اصابني وانا على ذمته حتى كلمه سلامات ماتشوفين شر ماقاله لي وتطلقت والحمد للله واللله يكتب لي الشفاء ولكل مبتلاء ومريض

آمين