رساله لكل من هاجمني با الامس
ولكم في رسول الله اسوة حسنه فلو كان فظا غليظ القلب لانفضوا من حوله انا امس ارسلت مشكلتي مع ام زوجي ويمكن انفعلت واتلفظت ببعض الكلمات الجارحه ويمكن من الحره اللي فيني بس بعض الاخوات ماقصروا فيه قطعوني تقطيعاللي تسب في تربيتي وتطاولت على اهلي واللي حطتني شارون واللي تشجع وتقول وفيتي وكفيتي واللي تتريق على ايقوناتي وتقول احطها في كل موضوع معناها متابعتني يالغلا لكل هولاء اقول شككككككككككككرا على الكلام الطيب وعلى التربيه الرائعه ولا انسى الغوالي اللي حسوا بمعاناتي وردوا بشي يبرد الكبد اقول جزاكم الله كل خير وكثر الله من امثالكم وللي شكروني اقولهم الله يشكر سعيكم ويسعدكم دنيا واخره واللحين للي هاجموني اقول بذمتكم لو كان عندكم ام زوج اذا خربت عندك الغساله وهي قديييييييمه وطلبت من زوجك يغيرها تقول حرام جديده صلحها ولا تغيرها واذا حبيتي تروحين السوق تشرين ملابس لعيالك الصغار تقول والله ان لبسهم خساره واكلهم عماره واذا نفسك بزيارة الرسول تقول المشوار يقطع القلب وهي جايه منه قبل يومين واذا حبيت اغير شي ببيتي تقول جديد لاتغيرون حرام وتحرش زوجي على عياله يسوون ويقولون ويروحون زوجي قالها ابي اتزوج ليش ماتروحين معي تخطبين لي تقول انت بس كلام مافي فعل وريني البيت اللي بتخطب منه تحششه على الجيزه ماتقول اش فيها زوجتك ولا بس كلمة حق اذا بروح لاهلي كل اسبوعين مره ومشوارهم نص ساعه تقول بعيد وش يوديكم مع انه بنتها بنفس مدينة اهلي وكل يوم عندها ياويله لو ماجات كل يوم تدخل نفسها بكل صغبره وكبيره بحياتي وش تبوني اقول عنها حبيبه يبنات ترى ام زوجي ماهي عجوز في اخر الاربعين وهذا والله اللي معذبني تغار مني وودها زوجي يصك علي والله العظيم انها ماتخلي مكان ماتروح له مع بناتها حتى الملاهي تروحلها يعني حرام علي وحلال عليها ليش تدخل في كل كبيره وصغيره بحياتي انا ماعلي متها ممكن اطنش كلامها وارتاح بس المصيبه زوجي من الناس اللي كلمه توديه وكلمه تجيبه ويتاثر باي شي ينقال وبطل اللي بيسويه عشان كلمه تنقاله هذا اللي قاهرني وترى كلمة عقرب رمل مرة ولدها الكبير قالتها لي من اول اسبوع بزواجي والله انها صادقه صادقه صادقه تقرص من تحت لتحت وبعد كل اللي قلته اخر كلمه ابقولها لكم من كانت منكم بلا خطيئه فالترمني بحجر وسلامتكمتراي ماحطيت ولا ايقونه ياللي مضايقتك ايقوناتي