التزين لزوجها

صدقيني اذا كان بيتك يتميز بالترتيب الحلو والنظيف
والاكل دائما مميز 00 لبس حلو ومكياجك ناعم وحلو
ولسانك بنقط عسل مع زوجك والاسلوب الحلو مع عمك
ومميزة في فراشك باللبس المغري00
صدقيني زوجك مراح يحس باي نقص ابداا 00
راح يحس انه عايش بنعيم لانه راح يشوف هالراحة في عيون ابوه وراح يزيد اهتامه الخاص فيك وبتكونين درة في عينة00
لاتنسين ان تحتسبين الاجر في كل خطوة في بيتك وعملك لزوجك وعمك وربي راح ييسر لك كل شي في حباتك

الله يوفقك يارب

مشكورين على الاجوبه وجزاكم الله الف خيرا لكن عندي سوال ثاني الا وهو ان ابو زوجي لن يستطيع الخروج كثيرا الا معانا لانه لن يقد على المشي كثيرا وعنده السكر والضغط وهو دائما يناديني وكل وقت لكي اساعده واقدم له مايطلبه مني من الاكل فلن استطيع ان اتزين لزوجي وانا دائما البس قميص واسع ماذا افعل ارجوكم ان تساعوني ارجوا منكم الرد بسرعه

خليك دايما بعد العشاء متجهزة لزوجك واذا كان يناديك دايما فحاولي انت وزوجك تروحوا مكان روماننسي وتكشخي له ( بدون بزران مالهم داعي ) والافضل تجيبو شغالة عشان تساعدك
وانتبهي من اهمال زوجك ...ترى عواقبه وخيمة ..وحدة من قريباتي زي وضعك بالزبط شايلة اهله شيل يستاهلون ...المشكلة ان الشياب ماهم متعودين على بعض الملابس ...ويمكن يتكلم ويزعل من اللبس ...المهم قريبتي زوجها دايما يقولها البسي ..بناطيل وقصير في البيت ...تقول الشايب عندنا مايسير ...يقولها ما عليك ...تقول لا استحي منه ..يقولولها الناس جيبي شغالة تساعدك وتعطين زوجك بعض الاهتمام ..تقول ماحب الشغالات اتضايق منهم ...وراح وقتها بين الحمل والولادة والتربية وخدمة الشايب لانه تعبان وتنظيف المنزل والزوج ماله نصيب وهو صغير بالعمر ..وله عيون ويشوف ..ونصحناها تجيب شغالة تشيل عنها البيت والبزورة ...على الاقل من بعد المغرب تفضى لنفسها ولزوجها ..لان له حقوق ..وهو صغير يبغى يعيش زي باقي الرجال رومانسية ودلع وعشاء في مطعم ووقت خاص له ..وهو مقدر الي تسويه لابوه ولعيالها لكن هو يبغى بعض الاهتمام ..المهم هو اشتكى لي من تصرفاتها ...قال شكلي بدور على زوجة ثانية ..(في لحظة زعل ) قلت الحل بسيط عندي انا ...قال كيف قلت مالك دخل ابصلح الموضوع وبس وبع اسبوع تعال قولي النتيجة ..
المهم ناديت قريبتي وقلت لها قصة وهمية على اخو زوج وحده من زميلاتي في العمل زي قصتها هي بس النتيجة ان زوجها تزوج عليها ..قالت مايسير هي شيله بيته كيف يتزوج عليها قلت لها يقولون انها ماتهتم فيه بس تهتم بالبيت حتى شغاله ماتبي خليه يتزوج ويرتاح وهي لها الاجر ***** الله ....وفرحه في الاجازة وبروح ***** الله من غير شر ..قالت ياويلي تتوقعين ابو فلان زي كذا تفكيرة ؟؟؟ قلت الرجال واحد ..وغيرت السالفة تماما وهي مسرحة ((ياويلي من الله بس ابغى مصلحتها )) قالت لي بكم الشغالة الاندنوسية قلت ب10000 تقريباقالت شكلي بجيب وحدة ....انا حاسة اني ماني مهتمة بنفسي ..شوفي حتى جاية لك بروب خليجي ما كن عمري 28 ولا مكياج ولاشي ...قلت انتي اول تهتمين لكن بعد الزواج مادري ايش صارلك بالله انت في البيت زي كذا ..قالت ايوة ...قلت الله يعين زوجك ..احمدي ربك انه ماتزوج عليك ...زي قصة فلانة ...وراح عقلها يودي ويجيب ..وبس تفكر ...وراحت من عندي ...وانا ادعيلها الله يكون في عونها ...تخيلو وش سوت ...

قالت لزوجها بقدم شغالة لاني حاسة نفسي تعبت من الشغل ..طبعا وافق على طوووول ...قالت والين ماتجي ابغى اخذ شغالة اهلي ..قال زي ما تبين ...قالت وغرفة عمي ابغاها تكون في قسم الرجال لان لما يجون حريم طول الوقت اقومهم واقعدهم عشان هو يروح لغرفته (ذكية جده ) قال اشاور ابوي ولما شاوره ...قاله احسن لي ترجوني انتم وعيالكم بصوت التلفزيون في الصالة انا من اول ابغى هذيك الغرفة بس خفت انكم تبونها احسن لي بعيد عن الرجة ...
تخيلو في يومين تغير النظام ..
عمها في غرفته بعيد عنها وبينه وبينها صالة للرجال ثم باب ..يعني تلبس زي ما يعجبها ..
جابت الشغالة وشالت هم نظافة البيت ..وهم البزورة 3 وصارت منظمة وقتها منبعد المغرب ينامو البزورة وبعد العشاء تنام الشغالة والشايب مرتاح من الرجة ..والزوجة ملك لزوجها ..يخرجون مع بعض ..ويروحون عزايم ..حتى زاروني انا ..وقعدنا نسولف ونمزح ..ولما قامت الزوجة قالي الزوج ايش قلتي لها لايكون قلتي لها بتزوج عليها ترى كنت معصب بس ..قلت لا تطمن ما قلت شي هي زوجتك مشكلتها ما احد نصحها ومن هذا الكلام ولا هي ام السنع والنظافة ماتلقى زيها ابد..خلاص انسى الموضوع ..المهم ذحين كيف هي معاك قالي رووووووووعة كاننا عرسان :icon28:قلت الله يسعدكم ويبعد العين ..

ويش رايكم في ؟؟؟؟

المهم ياختي انا قلت القصة عشان حاسة فيك يمكن تستفيدين ..وهذي نصيحتي لك (بعض التنظيم يحل المشكلة تماما )تقبلي مروري