حبيبتي لاتتعبين نفسيتك اللي ربي كاتبه بيصير انتي مالك الا الدعاء ادعي ربك في سجودك بيقين وباذن الله حليبك يدر ويرضع ولدك ويشبع وانتي حاولي اذا كنتوا نايمين في الليل اذا صحي على طول وانتي مسدوحه جنبه حطي حلمة صدرك بفمه وهو نايم مايميز وش اللي بفمه يبي شي يرجعه بنومته بس حتى لو كان الحليب قليل ولاتستسلمين حاولي مره و2 و3 انتي اعملي بكل الاسباب وتوكلي على الله وربي ماراح يكتب لك الا كل خير
واساسا الاطفال وهم بعمر الشهرين والثلاثه جوعهم حاااار يبكون ويعصبون بسرعه لكن لمن يكبرون كل شي يتعدل وراح تتذكرين كلامي
بنتي زمان كانت تعصب من صدري وتبكي تحزني وطبعا لازم اعطيها صناعي لاني ادرس وقلت خلاص مامنها راح تترك صدري بس والله مايأست كنت اسوي واجباتي في الجامعه واحيان اذا الواجب يتطلب نت اخذ اللاب توب معاي بالسياره اشتغل والله تبهذلللللللت ومع ذلك كانت تعصب وترررررررررفض وكنت طول الليل وهي نايمه احطه بفمها وعلى هالحال والله ماتعدلت الا بعمر اربع شهور ونص وبسم الله ماشاء الله لاقوة الا بالله فرق عن زمان بشكل ماتتوقعين والله اهلي لو ماشافوني حايسه مع بنتي قدامهم كان قالوا كذابه
ابدا لاتيأسين حاولي وخصوصا بالليل رضعيه وهو نايم وكثفي وقت الرضاعه وبنفس الوقت لاتجوعينه حرام
وتذكري ان له خير في الرضاعه الطبيعيه ربي راح يقدمه
الله يخليلك مارزقكي ويحفظه وتشوفينه عريس
ولا تضيعين احلى لحظات الامومه في امر مو بيدك بيد ربي اعملي بالاسباب وتوكل وجنبي العاطفه شوي ترى عاطفتنا بتودينا بداااهيه
ربي يوفقك ويساعدك حبيبتي وتذكري ان في كثير عانوا قبلك واولهم انا وسبق كتبت للطبيبه المصريه ووقتها كان عمر بنتي شهر وشوي
واي استفسار فضفضه تراني بالشوفه
اتمنى ارضع ولدي طبيعي ..افيدوني بخبرتكم
متابعة النقاش، صفحة 2