هل يصلح هذا الرجل ان يبقى زوجا ؟؟؟

بسم الله الرحمن الرحيم
السالم عليكم ورحمة الله وبركاته
اليوم عندي مشكله لوحدة من صديقاتي المقربات ارجو انكم تساعدونها كيف تتصرف مع زوجها...

تزوجت من شهرين يعني لي الحين تعتبر عروس
البنت مصدومه من زوجها تقول من ثاي يوم العرس يقولي ... صراحة مابي اكتبها بس يشبها بحيوان الله يعزكم ويعز جميع البنات
ويقولها انتي مو متربيه واهلك ماربوك ولافي اي احترام للبنت ولايحترم اهلها يعني دايم يقول كلام عنهم مو بطيب
وغير هذا مايبي يصرف عليها ولايشتري لها شي ...وتخيلوا البنت تقول اي شي اسويه بالبيت يروح ويقول حق اهله
وغير هذا طبعه منان اي يتمنن عليها باي شي يسويه تخيلوا يعني تقول نطلع نتعشي برا يقولها انا عشيتك انتي شنو بتعطيني وانا سويتلك شنو انتي بتسويلي...وغير هذا عنده علاقات
ولايقدر تعبها تنظف وتشتغل بالبيت ويرمي الاغراض ويمشي لما يبدل حتا الكلينكس يرميه علي الارض ويمشي
ومافي اي تفاهم بينهم يعني حتا كلامهم بهواش ..البنت تقول ماعاد اتحمل احس اني رخيصه عنده
ادري يمكن الكلام عادي بس والله البنت نفسيتها تعبانه معاه حاولت تتفاهم معاه مافي مايعطيها مجال
وللعلم البنت والحمدلله ملتزمه وذات اخلاق واهلها ماشاءالله يهبلون ..
انا بما ني صديقتها قلت لها يمكن قاعد يختبرك فتصبري عليه وان شاءالله ربي بغيره
بس هي حيل تعبانه معاه تقول احس اني مو طايقه العيشه معاه وتفكر بالانفصال
بنات ابي رايكم وشوروا عليها شتسوي

26 تعليق 2,023 مشاهدة

شاركي في النقاش

سجلي الدخول لإضافة تعليق.

التعليقات

24
  1. @dloaah_bs_yhk_ly

    لا موب سهــــل الموضوع
    خيــــــــر اذا ماحطت له حد يتمادى
    كيف تبغاه يحترمها وهي عادي عنده انه يسب اهلها ويسبها قبل كذا؟
    ادري انه مقهوووره بس ما اشوفها سوت شيء كانه عاجبها الموضوع
    لازم توقفه عند حده قبل لاتحمل
    وعليه بلاستغفار فان يفتح الاقفال
  2. اهم شي تاكل حبوب منع حمل ,, هذا اول شي لازم تسويه
    بعدين تعطيه فرصه كم شهر وتشوف .. اذا هو رجال تعدل وتسنع كان بها واذا هو لسى على حركاته تستخير والله يكتب لها اللي فيه الخير
  3. وش يختبرها خيييييييييييييير ؟
    هذا واحد قليل ادب واللي مستغربه منه صديقتك كييييييييييييييف تسكت له ؟
    والله لو أحد يسب اهلي لاأشب في بطنه
    هذا يبيله وحده قويه اذا سبها تسبه وتلعنه هو اهله عشان مره ثانيه مايعيدها

تابعي تجارب أخرى من هذا القسم.