دمعتي على خدي بسبب اختي لا تخذلوني يالغاليات

السلام عليكم

يالغاليات ابي مشورتكم .. وش الحل مع اختي .. اكتب ودمعتي على خدي

اختي بسن مراهقه ومتمردة علينا كلنا حتى على امي وابوي عجزنا نقواها ترفع الضغط وكلمتها تمشيها علينا كلنا وماتبينا نتدخل فيها حاولت معها باللين كلمتها نصحتها اهديتها ماتتقبل مني شيء ابد وخواتي واخواني كلموها نصحوها ومافيه فايدة الا انها كرهتنا وقبل فترة جلست عند اهلي من شهر 12 الى نص 2 ما فيه محاوله ما سويتها معها مافاد بالعكس كرهتني اكثر لدرجه ماتتحمل ولا بناتي يلعون معها خواتي واخواني فقدوا الامل فيها وكل من كلمته قال تعبت معها ماعاد بتدخل فيها ابوي كذا مرة بغا يضربها بسبب عقوقها وتطويل لسانها على الكبير والصغير امي كل ماكلمتها صاحت تقول وش اسوي فيها عجزت اقدر عليها واحيانا من قهرها منها تدعي عليها وانا الاسبوع اللي راح كنت عند اهلي وكنا مشغولين فما احتكيت فيها وحاولت معها واليوم كنت بروح لبيتي بس سوت حركة لعيال اخوي رفعت الضغط عند امي وابوي لدرجه ان امي تقول ان جاني شيء تراه بسبتها بعد عمر طويل يارب وزوجه اخوي كلمتني وطلبتني اجلس الاسبوع هذا عشان اختي تقول حاولي معها وجلست عشانها وحتى هي حاولت كذا مرة تتقرب منها ماقدرت وهذا الاسبوع بإذن الله بحاول وبأنشب لها وبقد ما اقدر

تكفون وش استخدم اسلوب معها حتى ترجع نفس قبل غير الهدايا والنصح بطريقه مباشرة وغير مباشره والتهديد والحرمان لان كل هاذولي ماجابن نتيجه