السلام عليكم ورحمة الله وبركاته
كيفكم يابنات حواء الحلوات القمورات يارب تكونون بخير
بنات أنا العام سجلت في الموقع الخاص بجامعة الامام محمد بن سعودي لأني أبغى أدرس عن بعد
طبعا وبما اني ماني فاهمة وش السالفة دخلت للموقع في رمضان العام قالوا انتهى التسجيل واتفاجأت وانصدمت
اليوم فتحت الموقع ودخلت رقم الهوية حقي قالوا ان فيه لك طلب من أول بس ماسددتي رسوم الدورة
لكن انتهى التسجيل حق هذي السنة ..
طيب يابنات وش قصدهم من انتهى التسجيل يعني حتى طلبي ملغي ولا لسى يمديني أدفع الرسوم وأتابع طلبي حق العام ..
ولا انتهى التسجيل يعني خلاص تم قبول الطالبات لهذي السنة والمفروض اني مسدده الرسوم من أول ..
الله يسعدكم يابنات أنا منقطعة عن الدراسة من عشر سنين وأحس اني صرت هبلا ماعاد أفهم شي ودي أحد يفهمني
ودي أدرس وأستفيد من حياتي بدل ماهي قاعدة تضيع من غير فايدة
والله لما أطالع في السنين العشر اللي فاتت من غير ماأحقق شي في حياتي يتقطع قلبي أقول أمداني سويت أشياء كثير مره
بنات أنا في انتظاركم ويارب ماتخيبون ظني
شاركي في النقاش
سجلي الدخول لإضافة تعليق.
التعليقات
15- عطوني وجه ولا ترى بأعيط
- مرحبا ياملكة النعومه
انا زيك ابي انتسب لاي جامعه اي تخصص بس علشان اصير جامعيه هههههه
انا من اهل الرياض بس ابي انتسب بجامعه الملك فيصل ويبدأ التسجيل بيوم 5/9 هجري على مااظن
شرايك تنتسبين معي وهو تعلم عن بعد او انصحيني بجامعه كويسه وماهي صعبه - سؤال واسفه على التدخل الدراسه عن بعد هي يكالريوس ولا دراسات عليا وماجستير ابي اكمل ماجستير عن بعد بس مااعرف وين وكيف
- اختي وحدة من معارفي سجلت فيها ولظروف انسحبت وقالوا لها بيردون نصف المبلغ لانها انسحبت والى هاليوم لهاسنتين ولا ردوا لهاشي وتتصل معاهم يوعدونها خير بعدين مايردون انصحك شوفي جامعة ثانية احسن يمكن تحتاجيين لاي سبب تتواصلين معاهم ومايردون عليك مثل ماسووا معاها
- شوفي وانا اختك انا ادرس عن بعد بس بالجامعة العربية المفتوحة
وعندنا واجبات وعندنا اختبارات منتصف الترم واختبارات نهائية بس بصراحه شوي صعبه للي ماعنده خلفية باللغه الانجليزية لان الدراسة باللغه الانجليزية
اما جامعة الامام اعرف وحده منتسبه فيها وتقول يعطونهم اجزاء من القرأن يحفظونها ماشاء الله تبارك الله شيء حلو ومادام انهم يقولون انك مادفعتي ارسلي لهم على الموقع حقهم او اتصلي احسن لك وخذي العلم من راس صاحي واسئليهم
بعد عندك جامعة الملك عبدالعزيز فيها تعليم عن بعد يعني لا تحصرين نفسك بجامعة وحده عددي الخيارات عندك علشان تكون الفرصه لك اكبر وبالتوفيق وانا اختك والله يسهل امرك ويسخر لك من عنده ويفرجها عليك دنيا واخره
مواضيع مشابهة
تابعي تجارب أخرى من هذا القسم.