قال رسول الله صلى الله عليه وسلم
(صلاة المرأة في خدرها خير من صلاتها في المسجد )
ومعنى خدر:ستر، و- عرين، و- إقامة، وخدر المرأة: سترها.
بصراحة انا بصلى فى اى مكان فى البيت
بس حبيت اخصص مكان فى البيت يكون الخدر بتاعى عشان اتبع هدى الحبيب صلى الله عليه وسلم
ولان رمضان على الابواب حبيت استقبله بهذا التنظيم
***اخترت جزء فى غرفتى يكون هادى وبعيد عن الضوضاء ويكون مواجه للتكييف عشان الجو حار وانا ناوية اصلى التراويح بالمنزل عشان ولادى موش هينفع اروح المسجد فلما اطول متعبش من الحر(اللهم قنا حر جهنم ياااارب) نظفته وطهرته وعقمته عشان يكون طاهر ومريح ونظيف
***اشتريت صندوق متوسط الحجم ودة هحط فية المصحف والسجادة والمسبحة وكمان مطويات الاذكار وحصن المسلم والمسواك عشان تكون قريبة منى قبل و بعد الصلاة
***جبت صندوق صغير وحطيت فيه بعض العطور الزيتية عشان اعطر السجادة والمصحف وكمان اسدال الصلاة
يارب موضوعى يعجبكم وتنفذوه انتو كمان
