بنات حواء ياهلا وغلا فيكم...
بنات حواء والله اني احبكم كلكم..
خواتي بااختصااااااااار:
الى متى يااختي وانتي متزاعله مع ام زوجتس والا اخته والا سلفتس والا جارتس والا اختس والا زوجه اخوتس والا ...الخ
في حديث عن الرسول اللهم صلي وسلم عليه يقول فيما معناه... ان ليله 15 من شعبان من اعظم الليالي فيها ترفع اعمال العباد الى الله ..فيغفر الله لعباده الا المشركين والمتخااااااصمين..
ياليت اخواتي اللي تعرف الحديث تكتبه...
يااختي لى متى وانتي متزاعله...
سواء كانوا هم غلطانين ام انتي..
يااختي اغتنمي الفرصه....
دقي على اللي متزاعله معها واستسمحي منها... سوي هالشي لله..... من ترك شي لله عوضه الله خيرا منه...
يااختي لاتقولين والله مايستاهلون وهم غلطو علي..
اختي سوي هالشي لله دقي عليهم وكلميهم.....وخلي القلوب تتصافى..... رمضان ع الابواب...
يااوخيتي لاتقولين كرامتي وما كرامتي..... ماعندي مشكله لو ادوس على كرمتي من اجل ربي.....
والله الذي لااله الاهو ماراح ينفعنا بالدنياء الا اعمالنا الصالحه....
يااختي ترى الدنياء زايله....الدنياء رايحه....
لاتفكرين الدنياء بس ملابس وسفريات ونوم واكل وشرب ....
لا لا كلنا محاسبين على كل الاشياء اللي نسويها.....ومسولين امام الله عنها...
يااختي انتي ماعليتس من اي احد الا ربي....
الى متى وانتوا متزاعلين؟؟؟؟؟
حراااااام اللي تسونه باانفسكم...
ادري يمكن انتس مظلومه والا مغلوبه ع امرتس والا احد غلط عليتس... بس ياختي سوي شي لله....مو عشانهم ولاعشان سواد عيونهم... لا لا شي لله سوي.... اخلاصي النيه لله ودقي عليهم وزوريهم....
انتي ضامنه عمرتس..؟؟؟
يااختي انتي ماعليتس من الناس انتي اهم شي عندتس الله..... اهم شي رضى ربي...
صدقيني يااختي ماراح ينفعنا بالدنياء لاشنطه ولاماركه ولاساعه ولا فستان ولاقصر ولاسياره فخمه...
مردي ومردتس لقبر متر في متر...
صدقيني يااوخيتي لو انتي متخاصمه مع احد ورحتي تسامحتي منه... صدقيني هذا يعتبر عمل صاااااااااالح...
تتذكرين قصه الثلاثه اللي تسكر عليهم الغار....كل واحد منهم دعاء الله بعمله الصالح...
ياختي لاتفوتين عليتس عمل صالح في ايام عظيمه ...لاتفوتين عليتس رضى رب العالمين....
صفي النيه من الزعل والشحناء والبغضاء والحسد والحقد...
بالله عليتس تحطين عقلتس با ام زوجتس؟؟؟؟؟ وتزعلين منها ولاتدخلين عليها.؟؟؟؟
ام زوجتس حتى لو كانت غلطانه يااختي هذي كبر امتس... وانتي متعلمه اكثر منها....
والا تغيرين على زوجتس منها وتكرهينها وتتهاوشين معها...
ياشيب عيني وياويل حالي تتهاوشين مع حرمتن كبيره كبر امتس علشان دنياء؟؟؟
تغضبين الله علشان دنياء زايله؟؟
ياختي حتى لو كانت غلطانه وش فيها لو اخلصتي النيه لله واخذتي معتس قهوه وصحن حلى ورحتي تتسامحين منها وتسلمين عليها وتصفين النيه لله..؟؟ بالله وش فيها؟؟؟
يااختي ابليس وربعه لايكبرون عليتس المشكله....
ياما تهاوشنا مع خواتنا واخوانا
هي جت على ام الزوج والا اخته والااسلفه والا الصديقه والا زوجه الاخ.....والا زوجه الاب....
يااختي شوفي ابي اعرف وش راح تاخذين من الدنياء؟؟؟
هل تاخذين معتس رصيدتس اللي في البنك؟؟ والا الساعه الفخمه؟؟ والا طقم الماس؟؟ والا زوجتس؟؟؟ والا اولادتس؟؟
ترى وانا اختس ماراح تاخذين معتس شي ابد ابد....
ناسن تملك ملاييييييييين وتركت الدنياء وراحت ولااخذت شي معها....
ماراح تاخذين معتس الا العمل الصالح....
صفو القلوب من الغل والحسد والشحناء والبغضاء...
كوني سابقه للخير....
اذا اللي متهاوشه معهم مافيهم خير ..خلاص يااختي انتي فيتس الخير والبركه ودقي عليهم والا زوريهم وتسامحي منهم...
رمضان وانا اختس على الابواب.. والى متى وانتي تسذا؟؟
الرسول اللهم صلي وسلم عليه... المشركين اذوه وحطو بطريقه الشوك... و
ولقي منهم الكثير ومع ذلك سامحهم.... قال لهم اذهبوا فاانتم الطلقاء....
ليه مانقتدي بالرسول؟
ليه مانصير زيه ونسامح....
ليه نخلي الشيطان يستانس...؟؟
قال تعالى ولاتستوى الحسنه ولا السيئه ادفع بالتى هى احسن فأذا الذى بينك وبينه عداوه كأنه ولى حميم ومايلقاها الا ذو حظ عظيم ] فصلت 34 - 35
قال الله تعالى فى كتابه الكريم 000
" والكاظمين الغيظ والعافين عن الناس والله يحب المحسنين "
ياختي لاتستهترين في اي عمل صالح...
ناسن تتمنى تتهاوش وتتزاعل واحد يغلط عليها مو عشان المشاكل...لا ! عشا تسامح..
سبحان الله يااختي يمكن لو تسامحتي مع اللي متخاصمتن معه يمكن الله يرضى عنتس ويغفر لتس ويحبتس ويحقق لتس كل اللي تبين وتصيرين مستجابه الدعوه... يمكن لو كان زوجتس مررررره شين من ناحيه الاخلاق او اي شي يمكن يتغير 360 درجه بعد ماتتسامحين...
ويمكن يصير خاتم بااصبعتس.... ولو ماكان عندتس عيال يمكن ربي يرزقتس بعيال صالحين...
ويمكن ربي يوسع عليتس بالرزق.....ويسخر لتس خلقه وييسر كل امورتس وتتغير حياتس الى الافضل...
ويمكن لو انتي متزوجه يمكن ربي يرزقتس بواحد 1000 بنت تتمناه...
يمكن تدخلين الجنه بسبب هالعمل.... مااحد يدري...
ياختي الله يدري انتس دعستي على كرامتس وغيظتس وكتمتي زعلتس وصفيتي النيه عشان الله مو عشان احد... يمكن ربي يحقق لتس كل شي تتمنينه...
ياختي خلاص مابقى بالدنياء كثر ماراح.... اعفي وسامحي مو عشان احد لا... عشان ربي.....
قال تعالى:
{ فَمَنْ عَفَا وَأَصْلَحَ فَأَجْرُهُ عَلَى اللَّهِ }
يااختي خلااااااااااااااااااااص من هالساعه انوي انتس تتسامحين من اي احد متزاعله معه....وكلميه والا زوريه... انوي هالعمل لوجه الله...
انتبهي من ابليس وربعه لايكسلونتس.....
خواتي اللي تنوي تتسامح مع اي شخص متزاعله معه تكتب تحت علشان تشجع الاخوات......
يالله من رقم 1 ومن رقم 2 ومن 3 ومن 4 ومن 5 ومن الــــــخ....
اللهم ياقدوس ياعزيز ياملك الملوك يارب يارب يارب ان اللي تنوي تتسامح مع اللي متخاصمه معه يارب يارب يارب انك تحقق لها كل امنياتها عاجل غير اجل وتستجيب لها دعاءها....
اللهم امين....
وصلى الله وسلم على رسولنا محمد....
ادعوا لي اتزوج واتوظف قريب....
شاركي في النقاش
سجلي الدخول لإضافة تعليق.
التعليقات
56- جزاتس الله خير...
- انا متزاعله مع مرت اخوي وبأذن الله ناويه اكلمهاا ابارك لها بالشهر وبصفي قلبي ان شاء الله من ناحيتها وهي حسيبها ربي موانا اللي بحاسبها والله يسامحها دنيا واخره
الله يجزاتس خير ان شاء الله .... - عروسه يالبى لبايب قلبتس...
- مشاءالله موضوعك مرره هادف
الله يجعله في موازين حسناتك
ويحق لك مناك في الدنيا والاخره
ولو كنت شايله على احد سامحته لوجه الله
بس الحمدلله والله لايجيب الزعل والشحناء
واهم شي رضى الخالق قبل كل شي وهذي دنيا فانيه
والله يحسن الخاتمه ويرضى علينا دنيا واخره - جزاك الله خير
مواضيع مشابهة
تابعي تجارب أخرى من هذا القسم.