تجمع الأمل 39 للمقدمات والمنتظرات نتيجة أطفال الأنابيب والحقن المجهري

ليه محد يقول كم تكلف العمليه

وهل تختلف من مستشفي الى مستشفي

وكم سعر تحديد الجنس

عده اسأله مالقيت من يجاوبني

والله المفروض نقول اي مستشفي واي دكتور حتى نتبادل خبرات

ونشوف هل نفس الكلام اللي يقوله لي يقوله لكم او لا؟

وهل نفس السعر

؟؟؟
؟؟؟

انا ماعندي فكره عن تحديد الجنس

بس اعرف وحده بس مو معرفه شخصيه عندها امراض وراثيه تكون بالاولاد يعني كل ماحملت يطلع مشوه
فكانت تبي تسوي تحديد جنس في مركز سمير عباس بالرياض وقالت انها كلفتها 40 مدري 45 الف وهالكلام قبل سنه او سنتين اعتقد
ولا ادري وش سوت وقتها بس اللي اعرفه انه ماصار لها حمل والله يعوضها خير ويعوض الجميع

ان شاء الله تحملين يااختي انا من يوم شفت الدكتور متضايق ضا ق صدري كم بويضه رجعوا لك ؟ اسفه على كثر اسئلتي لا تلوميني

الله يعوض على من فشلت عمليتهم ويتمم حمل الحوامل منكن يارب

جزا الله خيرا كل من ردت علي او حاولت التخفيف عني اليوم النفسيه تماااااااااام الحمدلله مع ان الدم صار ينزل بغزاره وانا متاكده انها الدوره لاكن نطيع ابو الشباب الى بكره ماعاد تفرق ،،،

حابه اسأل يااخواتي اللي زوجها يتعالج عند ذريه او اي دكتور وصار عنده تحسن ياليت تفيدني لان زوجي ناوي يرجع ياخذ علاج
تحليله الاخير وقت العمليه كان 3 مليون مع ان اخر مره عمل تحليل ف شوال الماضي كان 100الف فقط وهو متحمس يتعالج على امل يصير حمل بدون عمليات او شي
وعلى فكره هو كان من 6 شهور ياخذ علاج من عند المعالجه ام فيصل اللي بالقصيم ويمكن التحسن كان من علاجها بعد الله لاكن هو وقف العلاج شهر واذا بيرجع ياخذه لازم يبدأ من جديد عشان يبين مفعول العلاج وهو يقول طالما صار تحسن اروح لدكاتره واشوف ايش تطور من ادويه عندهم واجرب حظي لانه موقف علاج الدكاتره من سنتين .

افيدوني يالغاليات عسى ان يكون سبب انجابي بدون عمليات بعد الله انتن الله يحرم وجيهكن عن النار ...