النصيب يصيب ...من مكان وطريقه غير متوقعه .../ قديم

الله يرزق بنات المسلمين

موضوع ممتع انا قد خطبوني (بس ماصار نصيب)ناس ن قريه بعيده عنا ومانعرف فيه احد ابد ابدا ولا من المدن الي جنبها ولا احد اصله من هناك اعرفه او اي رابط سبحان الله اتمنى اعرف كيف وصلو لي

وهذي وحده عايشه بالرياض واختها تزوجت واحد اصله واهله من سدير بس هو ساكن بالرياض وبعد كم سنه نقلت المتزوجه لسدير
المهم الاخت الي تحت المتزوجه دايم تحظر زوجات حتى لو بعيده وتروح تفصل لبس وتحط مكياج وتسريحه في مشاغل غاليه (حوالي 1000 )ريال تكلفه مع انه موب مستواهم يعني هم ناس عادين موب تجار لدرجة زوجات بعيــــــــده تخسر كذا واختها الي اصغر لا تتزين بالبيت صح الصغيره احلى بس احس انها واضح انها ياعمري حريصه تبي النصيب

المهم انخطبت وملكت على مين ؟ على واحد يقرب لجيران اختها بسدير ؟؟؟؟ يعني ناس موب من الزوجات ويمكن ماقد شافوها لان اهم مايجون لسدير الا نااااااادر ويجون بنتهم بس وهي تفرح فيهم ولاتنادي احد اذا جوها

اقول ياحسافت الخساير

قصه حصلت لي انا شخصيا
أتصلت عليه وحدة ما اعرفها ولا تعرفني تخطب بنتي لأخوها وقامت تمدح في بنتي وفي اخوها لكن ما حصل نصيب لأن اخوها طالب ويبون يحجزون بنتي سنه او سنتين إلين يتوظف وإحنا ما نبي حجز زواج على طول بس إللي مستغربته إلى يومي هذا هي كيف عرفت رقمي ومين علمها بمواصفات بنتي وهي لا تعرفني ولا اعرفها سؤال إلى الان محيرني وخاصه رقمي ما يعرفه غير ناس قليل من جماعتي وهي من قبيله ثانيه ولما سالتها من فين جبتي رقمي تقول ناس علموني فعلا الزواج قسمه ونصيب مين كان يصدق إن بنتي تنخطب من ناس ما نعرفها ولا يعرفونا