صور من شقتي المتواضعة

قد يحتوي هذا الموضوع على محتوى غير مناسب. عرض الموضوع
السلام عليكم ورحمة الله وبركاته
حابه اواريكم بعض الصور لشقتي المتواضعة بما اني كنت استمتع بصور بيوتكم سواء شقة بسيطه او فيلا حبيت اشاركم بشقتي اهي عبارة عن شقة من 3 غرف وحده منهم ماستر وغرفتين وحده لبنتي والثانية للأولاد ومقاس الغر ف بما انها شقة بعماره عباره عن 3ونص ×4 امتار يعني مساحه اصغير ما تساعد علي توزيع الأثاث او ابرازه
اول صور للصالة من حوالي سنتين راح تشوفون تغيير اكبير القديمه حلوه بس غير عملية راح اذكر الأسباب

ابصراحه اللون العنابي مليته وغيرته ابنفسي وكنت كاتبه موضوع عن صبغي للصاله بنفسي ومعاي بنتي وبعضكم كان حاب اللون القديم العنابي بس ابصراحه انا ملوله وكنت حابه التغيير
الصاله كانت عبارة عن كنبين نظام امريكي الخامه شمواه عقدت حياتي الخامه ابسرعه تبقع ومهما تغسلينها ما تنظف الخامه غير عملية للأستخدام اليومي ووجود اطفال وتلقط فتات الطعام ابشكل مو طبيعي وعلي فكره نجدتهم بمبلغ مو رخيص وبعد فتره اختربوا
الكنبات شكلهم حلو بس ماخذين مساحه كبيره و السحابات اختربت وخرب الخام وكان القرار نبي كنب زاوية علي حرف ال L
الحين الصاله الحالية مناسبة لنا تتحمل استخدامنا اليومي واهم شئ الكنبه نقدر ننبطح عليها ( ننسدح ) كل نفر منا ماخذله زاويه
الصور ادري انها مو فخمة وممكن بعضكم يحسها مزحومه بس تذكروا انها شقة وصعب تتحكمين بتوزيع الأثاث
اولا تفضلي الشاي والحلو دونت



مدخل الشقة الباب الي باين سيده علي الصالة


الصالة نظره عامة وبالنسبة للسجادة اريح تكون اكبيره صحيح الأصغر افضل بس زوجي بفضل هالحجم والود وده يفرش الصالة كلها سجاد ويخفي السيراميك و الطوفة المقلمة بطلب تباستري من النت وبعلقه عليها




طاولة الطعام الكرسي الرابع بعد خمس سنوات خدمة انتقل لرحمت الله انكسر وخاطري بطاولة دائريه بس انتوا شايفين المساحه ما تساعد

















والباقي غرفة بنتي وجزء من المطبخ
في صور بصفحة 2 و6 وردي بوجهة نظري بخصوص الصور

324 تعليق 102,317 مشاهدة

شاركي في النقاش

سجلي الدخول لإضافة تعليق.

التعليقات

311
  1. @am_olofh1

    يسعدني اكون اول وحده ترد على موضوعك

    ماشالله تبارك الله من جد بيتك روووووووووووووووعه وذووووووووووووق

    الله يهنيك فيه ويبعد عنك الحساد ةيجعله عامر بذكره
  2. الله يهنيك فيه ياعسل بس زحمه ماتناسبني احس ل اعيش فيها كان سببتلي قلق لاتزعلين هذا رايي
    المهم عاجبتك

تابعي تجارب أخرى من هذا القسم.