صور من شقتي المتواضعة

حبيباتي كتب لكم رد بس للأسف الاب توب حساس لأقل حركه يمسح الكلام و بالنسبه للقماش انا اخترت هالنقشة وهالخامه لأنها تتحمل الأوساخ وكراف اليهال وتري امي عيبت عليه لما قالت بس تقول شنو ذوق العيايز هذا كله اورود بس تري هذي احسن خامه لقيتها واهي خامه انجليزي و لأني مثل ما قلت لكم كنت حاطه شمواه اقل من سنه انعدم وتلف وصار يفشل وما حلل افلوسي فيه وكنت اول ما سكنت حاطة غنفات فخمه للناس ومزاحمتنا بالمكان من ضخامتها وبعدين قررت اني افرش لنا مو للناس وان الصالة تكون معيشه لنا بدل ما كانت مجرد ممر نعبر فيه
وبالنسبه للأكسسوارات اهي الي تحلي المكان وتعكس ذوقك وشخصيتك وفي منهم هدايا من اقارب بمناسبات معينه مثل الي مكتوب عليها الحمدالله علي السلامه وفي الي المكتوب عليها مبروك المولود الجديد وحابه اعرضهم والمبخر هديه من امي من مكة يوم راحت الحج عجبني نقشته وتري عندي تذكارات من لندن بس مالها مكان مناسب للعرض
وتري مثل ما قلت كنت متردده احط الصور لأن ذوق بنات حواء صعب الأرضاء وابصراحه في ابيوت افخم لأعضاء بالمنتدي وصعب الواحد يقايشهم ( باللهجة الكويتيه تعني ينافس )
وشاكره لكم ردودكم