مرحبا
بصراحه رسوم الانتساب الموازي للجامعة قليلة بالنسبة للجامعات الثانيه
عندي كم سؤال
سمعت وبحثت عن الانتساب الموازي يقولو غيرمعتمد من ديوان الخدمة المدنية
لكنه معتمد من التعليم العالي يعني تقدري تكملي ماستر
لكن توظيف مافيه لان الشهادة غير معتمدة وغير معترف فيها
تصدقون اني قررت اسجل وحتى ابتسلف رسومها لكن لما سمعت انه شهادة الانتساب المطور لسى ماعتمدت من الديوان وغير معترف فيها ..بصراحه ودي اسجل بس مترددة ليه اتعب عمري وهي غير معتمده
تكفووون ابغى جواب اكيد
لان الديوان بيدرسون الموضوع عاد يقررون يعتمدونها او لا ياليل مااطولك
هل فيه احد تخرج من الانتساب المطور وتوظفت؟؟
وكيف دراستهم يعني بنظام الساعات محددة باليوم صباحي او اي وقت اكون فاضيه ادخل
وهل اختباراتهم بنفس الجامعة اوعندي بنفس المدينة اللي انا فيها
اعذروني ماافهم بهالاشياء.......
واتمنى من بنات الانتساب المطور القديمات يساعدونا ..هل الدراسة سهله؟؟وهل ممكن نجيب معدلات عاليه؟؟واذا تخرجنا مثلنا مثل اي خريجة او احنا اقل منهم؟؟
لان سمعت ان الاولويه للمنتظمات؟؟
وكم دفعو بالمستويات اللي بعد الاول ..وهل فيه سنه تحضيرية او دورات انتظام يعني لازم اروح للجامعة او مايحتاج ..
امممممممممم الله يسعدكم ردو علي
واا تذكرت اسئلة ثانية رجعت لكم
واذا فرضنا ان الللي يدرسون اقل من 20 في مدينتي يعني لازم الاختبار عندهم في مقر الجامعة ؟؟
وعند التسجيل كم ادفع؟؟
تكفوووون ابغى جواب اكيد ومن مجربات
##طالبات الانتساب المطور بجامعة الملك فيصل دخول اجباري للجميع##
متابعة النقاش، صفحة 105