انا يوم من الايام كنت مع زوجي وولدي عمره ثلاث شهور صغير مره وكان نايم واحنا بالسياره وحطيته ينام ورا
واذن لصلاه العشاء فوقف زوجي عند مسجد بس كانت المنطقه الي نتمشى فيها منطقه شوي مهجوره يعني بس محطه ومسجد وكم دكان
وانا جالسه في السياره لوحدي سبحان الله قفلت الباب بالتأمين وفجاه وربي ماجلست شوي الا وواحد في هايلكس موقف ومتلثم ويوقف جنبي وينزل من سيارته بسرعه جلس يتلفت وبلمح البصر جا من جهة باب السايق وقام يفتح السياره ويقولي افتحي وصوته مرعب ويحاول يفتح الباب بسرعه وربي يابنات اني تجمدت حسيت جسمي كله مخدر قمت لاشعوريا اطلع الجوال واقوله اش فيه اش تبي وانا ميته رعب المشكله من الخوف مااتذكر حتى اوصافه بس اتذكر انه لابس ثوب اسود ومتلثم بس ربي رحمني يوم شاف الجوال بايدي وادق ركب سيارته وهرب قسم بالله انه ركب زوجي جلست فتره لساني معقود بس ابكي وهو يقولي وش فيك وش صار بالاخير تكلمت بس جد ربي ستر علي ورحمني هذاك اليوم سبحانه والحمد لله اننا سلمنا انا وولدي الله لايعيد هذاك الموقف يااارب لاعلي ولا على غيري ونصيحتي يابنات انتبهوا اذا ازواجكم نزلوا مسجد ولا اي مكان قفلي السياره وخليك حذره اذا احد قرب علقي البوري وصيحي لاتسكتون مثلي انا من جد تبنجت من الخوف
كنــــــــــتي بتنخـطفين بتـــــــموتين ونجـــــــــــيتي بفضل الله ؟؟؟ شاركينا قصتك
متابعة النقاش، صفحة 2