الموضوع مغلق

لقيمات جنااااااان مقرمشه ولا تشرب زيت كلمة تجنن قليله بحقها

قد يحتوي هذا الموضوع على محتوى غير مناسب. عرض الموضوع
مرحبا خووووووووواتي

اولا الله يبلغنا رمضان ياكريم وكل المسلمين وربي يتقبل صيامنا وقيامنا وجميع دعواتنا بالشهر الفضيل

طريقة هاللقيمات سهله وطعمها من جد يجنن

المقادير ::
(وحطو ببالكم المكيال نفسه مايتغير يعني نفس الكوب اعتمديه للمقادير انا استخدم كوب كبير حق العصير او اللي عندك من اكواب

3 ملاعق حليب نيدو بودره
1 ملعقه بيكنج باودر
2 ملعقه سكر
1 ملعقه خميره
فنجان زيت ((انا احط فنجان قهوه هو المكيال حق الزيت )
كاس ونص مويه
كاسين ونص طحين ((استخدم الطحين الكويتي ))

حبة سوداء ((شويتن يعني رشه بيدك )) << اختياري


الطريقه ::
تخلط جميع المقادير جيدا ومعهم الحبه السوداء بالمضرب اليدوي او اللي تبين وتخمر لمدة ساعه تغطينه بكيس نايلون وهي داخل الطاسه وتلفين فوقهم فوطه عاد الجوء حار بيساعد على طول تتخمر

بعدها تقلى في زيت غزير


الين تحمر ويكون عندك صحن كبير فيه مناديل وتطلعين اللقيمات وعلى طول تحركين الصحن يمين يسار
علشان المنديل يتشرب الزيت من اللقيمات مو تحطينها بصفايه او قدر :mad:
لازم صحن كبير حق تقديم الشاي او اي صحن <<<الجود بالموجود
ولاتكتمين اللقيمات بطاسه مغلقه بعدها بتصير لينه مره خليها تشم هواء :35:

وحطيها بصحن التقديم وحطي عليها دبس او شيره اللي يريحك



وهني يااااااااااارب على قلوبكم


ودعواتكم لي بابن الحلال اللي اسويه له هاللقيمات :arb:

201 تعليق 721,780 مشاهدة

شاركي في النقاش

سجلي الدخول لإضافة تعليق.

التعليقات

199
  1. @ahl_shhryh

    الله يرزق ويزوجك وتطبخين له لقيمات وسنبوسه وشوربه وووووو00000بعدين يسير متين
    حبيبتي ابغى لونااصفر ممكن احط كاسترد
    بعدين انا تطلع حلوه بس شوي وتصير لينه ما ادري ليش
  2. @goodbye_my_lover

    يعطيك العافيه ياقلبي

    ولاتضيقين صدرك ولاشي ان شاء الله مايجي رمضان السنه القادمه باذن الله
    الاوانتي في بيت زوجك ومعاك احلى بنوته او لد

    يارب يسخرلك الزوج الصالح التقي
    ويسخرلي بالحمل السليم في القريب
  3. @raash_ahdab

    صاحبة الموضوع
    أحلى شهريه
    الله يرزق ويزوجك وتطبخين له لقيمات وسنبوسه وشوربه وووووو00000بعدين يسير متين حبيبتي ابغى لونااصفر ممكن احط كاسترد بعدين انا تطلع حلوه بس شوي وتصير لينه ما ادري ليش
    ابد وانا اختك عندك خيارين تحطين كاسترد او زعفران بيعطيك لون اصفر
    لكن اذا بغيتيها مقرمشه بعد القلي لاتكومينها على بعض بصفايه او قدر
    بتلين كذا جربي تحينها بصحن فيها منديل مفروش وبعد ماتقلينها وتحطيها على المنديل على طووووول
    حركي الصحن يمين يسار خلي اللقيمات تتحرك علشان الزيت يروح
    وخليها بالصحن مو تحشرينها وتكتمينها

    وهني على قلبك :26:

تابعي تجارب أخرى من هذا القسم.