اللي مثلي تجلس لوحدها في البيت ايش تسوي؟ بعد موضوع (الحرامي يضرب باب الغرفة,الحقوني)

زوجي لما يخرج يقول لي استودعك الله


واجلس على النت اذا خلصت شغلي

والكمبيوتر دايم شغال عشان سوره البقره

ورقية الشيخ سعود البلهيد

والله الحافظ ولازم نعمل بالاسباب

الله خير حافظ وهو أرحم الراحمين

وعلى فكره انا لحالي في البيت

الله يحفظنا جميعا والله انا يااخواتي جربت حاله الرعب والخوف لأنه وزوجي كان عنده استلام طلع من عندي الساعه ٣الفجر وعلى الساعه ٤الا اسمع باب الشقه يخبط عليه بهدوء تخيلوا لا وبعد يصفر والمساجد تأذن لصلاة الفجر الحمدلله اني صاحيه كان اروح طيران على المطبخ اخذ سكين وعلى غرفه عيالي اقفلها ادق على زوجي مايرد كان يصلي ادق على جارتي كمان ماترد ادق على جارتي الثانيه الحمدلله كان ترد علي وأعلمها وانا اتنافض والجوال يطيح من يدي واشيله والله يجزاهم خير فزع لي وحاول يكسر باب الحوش ماقدر سمعه الحرامي ونزل بسرعه طبعا جاري راح لبيته ونط بالحوش طلع الدرج مالقاه ونزل فتح الباب وشافه وهو يركض لسيارته طبعا زوجي دق علي وجا بسررعه وكمان جارتي الأولى دقت علي وخبرت زوجها سبحان الله كلها مسألة دقايق والا كلهم عند الباب وركض ورا الحرامي اللي خربت سيارته وقعد فيها وجابوا الشرطه تخيلوا طلع سعودي وسكرااااان بعد ؛بنات والله الخرعه شينه انا للحين وقت الفجر ماأقدر انام رايحه جايه على الباب اطل من العين السحريه اللي ركبناها بعد السالفه؛بنات اهم شي خلوا ازواجكم وهم طالعين يستودعونكم الله الحمدلله زوجي مايطلع الا قايل الدعاء عشان كذا ربي حفظني؛والجيراان والله انهم عزوه للي بعيده عن أهلها؛والحين عندي سلاح مرخص والله الحافظ ترى الدنيا ماعاد امان واللي مايخافون الله كثير بتسألون عن الحرامي تنازلنا عنه علشان زوجته وبناته