ˉ ־¯−ـ‗_ أحلى تجـمع للحوامل الرابطات (ربط عنق الرحمـ) الرابع عشر Ϡॣ₡ ־ˉ ־¯−ـ‗_

متابعة النقاش، صفحة 37

شاركي في النقاش

سجلي الدخول لإضافة تعليق.

التعليقات

2,018
  1. لورا

    الله يطمن قلبك
    ماشاء الله من صاحبات الخبره :D
    قصر او ارتحاء سبب الربط ؟؟

    ريحتيني شوي
    اما اليوم جاتني صدمه قويه من الردود

    الله يتمم لك على خير
  2. @foshyaaa_2

    هايدي المجنونة
    مستاااااااقه حبيبتي الله يهديهم بعض الدكاتره يلعبو بالاعصاب يااختي اذا كانت المشيمه نازله يجيك نزيف لاتخافي
    بسبوسه لورا مدموزيل سن سن منوريين يالغوالي ومشكورين على ترحيبكم الحار فديتكم والله

    اما بالنسبه لاسم بنتي تصدقون الى الان ماسميتها انا محتارررره مررره بالاسم وابوها الحين مسافر

    يعني الاسم متوقف الى اشعار اخر ودي بواحد من الاثنين (ديالا) ومعناته مدينه توجد في العراق وتسمى

    بمدينة ديالا يجري بها نهر ديالا يلتقي بنهر الفرات يعني على اسم نهر والمعنى الثاني الارض الطيبه

    الخضراء ااو الاسم الثاني (دانه )وهو اللؤلؤه الكبيره في البحر زي ما انتو عارفين

    اما قصة ولادتي تبدا من موعدي يوم السبت اكون عديت فيه اسبوعين من العاشر وكاتبين لي تنويم

    لموعد الطلق الصناعي انا كنت مقرره في نفسي اني ما اروح للموعد ولا استعجل ابي طلق طبيعي

    ورحت قبلها بيومين لحرمه تمرخ قالو ان التمريخ يجيب نتيجه لاني شربت الخروع ومانفع ولا سوى لي

    شي المهم رحت للحرمه ومرختني قالت لي ان اللي ماخر ولادتك ومخليك تعوشرين ان البنت جايه مايله

    على فخذي راسها على عظمة الفخذ مو على الرحم عشان كيذا تجيني طلوق بس ما ينفتح الرحم عندي و

    ماتجينبي ولاده سوت لي تمريخ بسيط عشان توجه الراس لمنطقة الرحم بس ماتوجه ونفضت رجولي

    وقالت لي تعالي بكره اللي هو السبت يوم الموعد ورحت لها العصر وسوت نفس الشي معي بس للاسف

    ما جاب نتيجة معي قالت بالعاده لمن امرخ اللي مثل حالتك يطلعون من عندي على طول ولاده بس انتي

    ما فيه نتيجه تبين نصيحتي خلاص روحي للمستشفى وتوكلي على الله ولا تتاخرين ولا لحظه وخليهم

    يعطونك طلق صناعي لانه لو بتمين العاشر ماراح تجيك ولاده الرحم متسكر والطلوق معاك حاره

    بتتعذبين على الفاضي اطلعي من عندي وروحي بسرعه يالمغرب او بعد العشاء طلعت من عندها ضايق

    صدري مرره والدنيا تسكرت بوجهي ما تبي طلق صناعي والخوف ماكلني وقلت لزوجي عن كلامها

    قال خلاص ما بدهش نروح سيده على المستشفى قلت لا ابي اروح اريح وانااام واستخير قال خلاص

    رحت بيتي ونمت وانا اصيح لمن جت الساعه عشره توكلت على ربي وانطلقنا للطوارى دخلنا وقلنا لهم

    على السالفه قالو على طول تروح قسم الولاده وتبدا فيني ام الركب وادخل واشوف ذيك النيجريه اللي

    تخوووف بلد وما ادري ليه عرفت انها هي اللي بتشرف على حالتي وفعلا هي اللي مسكتني قالو ليه

    طنشتي الموعد وماجيتي لنا الصباح وانواع التهزي والزف وانا مطنشتهم المهم قالو الحين نسوي لك

    تخطيط وبعدها تروحين قسم التنويم والساعه ست الصباح نجيبك لقسم الولاده ونعطيك الطلق الصناعي

    المهم دخلت 12 بالليل وحطو لي التخطيط الى الساعه وحده والقابله اللي معي نفسها شينه مرررره شوي

    وتضربني مالها خلق وانا بس اميلح معها ابي اشوف ربع ضرس اوسن من سنونها شكل اهلها حالفين

    عليها ماتضحك لاحد لاني عارفه اني برجع الساعه خمس وهي بتكون موجوده ماخلص الشفت حقها

    قلت خليني اضبط وضعي معها المهم خلصت تخطيط ورحت قسم التنويم للاسف ماجاني النوم بس افكر

    وش بيصير معي الصباح وانوناع القلق والتوتر وزوجي يقول لي نامي وخلي الباقي على ربك وانا

    حالتي حاله المهم ماصدقت ياذن الفجر الا جاتني الممرضه قالت يالله غرفة ولاده عشان طلق الصناعي

    وعطتني قبل لا اروح ابره شرجيه عشان وقت الولاده ما تتبرزين عليهم مع قوة الدفع ودخلت القسم على

    خمس ونص ونفس القابله موجوده وهي اللي بتعطيني تحميلة الطلق المهم سوت تخطيط مره ثانيه و

    قالت يالله بحط التحميله قلت لها بشويش طالعت فيني نظره محترمه يعني اسكتي يدها تخوف كبيرره

    كنها يد رجال ودخلتها وقاست الرحنم قلت لها مفتوح قالت لا متكسرررررررررر قلت ولا نص سانتي

    قالت لا رجعت قسم التنويم قالت بعد ساعتين او ثلاث ساعات تبي تبدين تحسين بالالام الطلق اذا

    ماحسيتي بشي نعطيك تحميله ثانيه الساعه 12 الظهر واذا مافادت نعطيك ثالثه الساعه 6 المغرب واذا

    ما نفع نعطيط ابره بالوريد اقوى شي المهم رحت للتنويم وانسدح على سريري وبما اني مواصله ادقها

    نومه الى الساعه تسع الصبح واقوم اقول معقوله الطلق الصناعي ما ادى مفعوله ما احس بشي ابد لا

    طلوق ولا الالام الا يقولون لي اللي معي بالغرفه انتي ليه نايمه قومي امشي امشي الطلق الصناعي لازم

    مشي واطلع بالسيب واجلس امشي للساعه عشره ونص يعني ساعه ونص مشي واقرا الاذكار وكتاب

    الافاده فيما جاء في باب الولاده واختمه مرتين يجنن هالكتاب روعه وارجع الغرفه لمن جت الساعه 11


    اوني الممرضات والمسؤله معهم قالو تحسين بشي قلت ايه خفيف يروح ويجي بس مو قوي مره قالت

    اجل يالله قسم الولاده نعطيك التحميله الثانيه وانا في الطريق حسيت بالالام قويه برجولي وببطني و

    بظهري دخلت والحمدلله كان شفت القابله الولى خلص وفيه قابله ثانيه هنديه سمعتها روعه وكبيره

    بالسن وعندها خبره وطيبه وحبوبه قلت الحمدلله ربي رحمني المهم قالت بقيس الرحم عندك بشوف

    قبل لا احط التحميله وانا اتالم قلت اكيد متكسر دخلت يدها وكشفت كانت كشفيتها قوويه مووت عذاب

    جلست تحوس ربع ساعه قالت الرحم فاتح 4 سانتي انا هينا فرحت كثير قلت قرب الفرج وهي تقيس

    دخلت عود طوووويل وانا مدري وش السالفه وفقعت كيس المويه وماحسيت الا بالوميات تنكب علي

    بغزاره وحراره وانا اصارخ اقولها خلاص طلعي يدك تعبت يابنات شوي واكمل وللحديث بقيه

تابعي تجارب أخرى من هذا القسم.