ما احد حاله مثل حالي انا وزوجي تكفون لاترفعون الموضوع في امس الحاجه لو لدعوه

السلام عليكم ورحمه الله
قصتي مع زوجي عجيبه غريبهانامتزوجه ومطلقه ومعي بنت وتزوجت مره ثانيه وزوجي الثاني عنده ولد ومطلق وماخذ الولد من امه دوامه اسبوعين يداوم واسبوعين لا ودوامه في منطقه الشرقيه وحنا بالضواحي الدوادمي يعني يغيب اسبوعين واذا راح اروح لاهلي لانهم جنبنا
المهم كان احلى من العسل معي السنه الاولى ولو اطلب نجوم السماء جابها ليه وبعد السنه الاولى جدت ولد زوجي حرمه كبيره وتتعب من تربيه الولد وام الولد متزوجه ومتاقلمه مع بعد ولدها عنها وفي يوم من الايام نزلت عند خالتي وكانت تقول انها تعبت من تربيه الولد وانه كبر ومهي قادره تسيطر عليه وانه لازم ابوه يشد عليه قمت انا وقلت خلاص اقول لوالده قلتله قال خلاص ابي اخذه يعيش معي وقلت الساعه المباركه العين اوسع له من المكان وهو الداخل وانا الطالعه وفعلن طرت من ثاني يوم واشترينا له غرفه واثاث كامل وسكن الولد عندنا والولد طيب ومسكين بسسسسسسسسسسسسسسسسسسس المشاكل بدت
طبعا كثير بس ابي اذكر بعضها مره صحيت الصبح ولقيت الولد متبول بفراشه قمت روشته وفطرته ونزلت بالحوش وغسلت فراشهوخليته بالشمس عشان ينشف وهذا حالي كل يوم وجا باليل وقال الولد عمه ابي انام قلت اوكي حبيبي انا ارضع اخوك بس انزل بالحوش وهات فراشك ونام الولد من النوم قال طيب وراح نام بدون فراش وجاء ابوه وانا ارضع ولدي وسواء مشكللله انتي يهوديه ومتخافين الله لونه ولدك بتخلينه ينام عالارض والله الشاهد علي مادريت انه نام عالارض واقوم واجيب فراشه واحاول ابين لابوه عذري ماخلاني ادافع عن نفسي والموقف الثاني ابوه دايمن يجيب له حلويات وعصاير خاصه عشان ياكل اذا جاع وانا صرت انادي الاولاد اللي كبره يلعبون معه بليستيشن عشان مايطلع بالشمس والاولاد الله يهديهم اذا جولعبو بالنعمه ولوهي كراتين فضووها في ساعه وحده وابه هاوشني قاليي شيلي الاكل عنك بالغرفه واذا جاع اعطيه لاتخلي النعمه يلعبون فيها الصغار وبعد كم يوم واسمع ان اهله يقولون اني انا اخبي الاكل عن الولد عشان ماياكل واني ماخاف الله واحرم الولد والشاهد الله علي ان الولد قبل يجيني كان نحيييييف وبعد شهر ان خدوده كنهم الرمان والمواقف كثييييييره والله والله اني يالبنات اعتبرته مكان بنتي البعيده عني وغسلت بوله وبنتي ماغسلت لها واحممه واذاكره وماقصرت عنه لاكن ابوه واهله كل ماسوي خير يقلبونه شر المهم تغير زوجي علي وبدا يعاملني بقسوه ومايكلمني الا بالهواش لين ذاك اليوم قالت خلاص انا كنت صاحبه فكره اخذه وتربيته الحين رده لجدته مادام كل شئ انقلب علي حتى حمواني وحمواتي صارو ينظرون لي نظره موحلوه وانا مظلومه الحين باب يجيك منه ريح سده واستريح المهم راح الولد عند جدته من جديد وبدت المشاكل صار يصبحني هوشه ويمسيني هوشه وحملت بولدي الثاني وقالي انه مايشرف اني احمل منه واستقبل المولود بسب ومشاكللللللللللللل مالها اول من اخر لدرجه ان الطفل انخفضه المويه حقته ونبهوني الدكاتره من الزعل وهو يسمع بس مندون فايده واستمر مسلسل المشاكل اللين جا يوم الولاده وشافني اتوجع وبدا يواسيني ويبكي اذا بكيت ويده بيدي ويوصي الدكاتره علي ليمن ولدت بالسلامه وعادت حليمه لعادتها القديمه وزادت موضه جديده صاريروح اسبوعين ولايعطيني مصروف لي ولعيالي واذا جاء الاسبوعين قلبها هم وغم ويدور الزله ادواره واذا ناقشته قال مالي دخل فيك ماعلى لسانه غير هالكامه وصار يحاول يمنعني اذا راح اني اروح لاهلي اللي شايلين هم عياله ومصاريفهم غير مرض الاولاد و تطعيماتهم واحيانن الطوارئ انصاف الليل الحين انا ببيت اهلي وطليقي يهدد امي وابوي انه بياخذ بنتي منهم مع العلم ان امي وابوي هم اللي مربينها منعمرها شهرين والحين عمرها 8 سنوات ابي منكم دعوه ان الله يصخر لي امري ويفرج همي ويرد لي زوجي ردا جميلا وشورو علي

70 تعليق 4,491 مشاهدة

شاركي في النقاش

سجلي الدخول لإضافة تعليق.

التعليقات

67
  1. @mlak_mlkh

    الله يصخر لك امرك ويفرج همك يارب ويرد لك زوجك ردا جميلا
    الله يصخر لك امرك ويفرج همك يارب ويرد لك زوجك ردا جميلا
    الله يصخر لك امرك ويفرج همك يارب ويرد لك زوجك ردا جميلا
    الله يصخر لك امرك ويفرج همك يارب ويرد لك زوجك ردا جميلا
  2. @frfoshh_koshh

    الله يفرج همك يااارب

    بس اذا يبيه يرجع بيته لاترفضين
    وخليه يجيب شغاله اتوقع افضل
    الله يكون بعونك
  3. @rmad_4

    الله يسخره لك ويفرج همك

    وانا بعد يااارب يهدي زوجي ويسخره لي...
    الله يعينك حاسه فيك وربي شاهد..


    قولو ااامين وادعو لي من قلب الله يفرج همكم ...

تابعي تجارب أخرى من هذا القسم.