شاركي في النقاش

سجلي الدخول لإضافة تعليق.

التعليقات

50
  1. صاحبة الموضوع
    ياحبيييييلكم يابنات

    والله ظحكت من قلب ولا وحده فيكم قالتلي كيف اقنع اهلي اني مابيه كلكم تقنعوني بالموافقه

    اول شي يارب والله يسمع دعوتي في نص الليل انك ترزق كل وحده في خاطرها زوج احسن من اللي في بالها وتسعدها ولاتخلي بخاطر احد شي يارب كل بنت في هالمنتدى تبي تتزوج ماتمر السنه الا وهي متزوجه وسعيده ومبسوطه

    يابنات انا تعقدت من الزواج وانا مقتنعه مليون بالميه اني مابي اتزوج في هذي الفتره لاني تزوجت صغيره جدا وللان انا في عز شبابي وابي اعيش حياتي وصدقوني الزواج لا يعني سعاده ابدا ولا هو اللي في بالكم بالعكس قد يكون تعاسه وهم
    يعني اللي يقول شالفايده تدرسين واخر شي مافي زوج احب اقولها مو شرط اترك دراستي واتزوج عشان اكسب الزوج يعني اني بكون سعيده معاه يمكن اكره اليوم اللي عرفته فيه واتمنى لو ماتزوجت طول عمري ولا تزوجته
    والله اني مافكرت في موضوع الزواج حتى لو طليقي تزوج عاادي ماهمني بالعكس اهم شي انها وحده تخاف الله في عيالي يارب ادعوا لعيالي تكفون

    صدقوني انا افضل لو مااتزوج عمري كله بس اكون سعيده هذا يكفي ولا اتزوج رجال يطلع فيه الف مصيبه ومرض وعله واظطر اني اتحمله لاني مو كل مره بتزوج واتطلق

    الحمدلله انا معززه مكرمه في بيت اهلي والله يخليهم لي ويخليني لهم وانا اعلم ان نصيبي مكتوب منذ ولادتي وان شاءالله اتخرج واتزوج انسان يناسبني ويحبني ويدلعني وانا احطه بعيوني الثنتين
    والله يرزق كل وحده اللي في بالها يااارب

    وابشركم حتى اهلي قالو بنتركك على راحتك انتي قرري وانا رفضته
  2. @ekram_h

    انا عندي راي مختلف شويه عن البنات الله يجزاهم كل خير
    في نوعية رجال مايحبوا انه احد يرفضهم وممكن هذا الانسان يكون من هذه النوعية لانه الطبيعي لمن احد يترفض خلاص يروح ومايرجع.............بس انتي قومي الليل كثير والله يوفقك

تابعي تجارب أخرى من هذا القسم.