كل وحده تــدخل وتتخــيل نفسهــآ بـ مكآني ..

29 يوليو 2010

السلام عليكم

..

:(

ابي رايكم في مشكلتي

انا محجوزه لواحد يقرب لي طبايعه :-هو عصبي ويشتغل راتبه الف ريال وسألت اخواني عنه يقولون مايتكلم واجد يعني مو احتماعي بيتوتي.. الحين صار لي سنه كامله .. ومابين شيء من الخطبه يعني مالبسوني شي ولااا دخلو علينا فرح ..

وتو صديقتي متصله تقول ابي أخطبك وانا قلت لها اني محجوزه قالت خساااااااااااااره والله تمنيتك لـ أخوي
وجلست تمدح ........الخ
قلت لها الله يوفق اخوك ان شاء الله بعدين قالت لي دوري لي بنت بنفس مواصفاتك وطبايعك وبدق عليك يوم الجمعه
قلت لها أوكي < مع اني ماحب اتدخل في زواجات وخطبات

عاد رحت لأمي قلت لها صديقتي بتخطبني بس قلت لها اني محجوزه
امي احسها صارت حزينه وتبكي تقول احترت فيك ولد عمتك بيضل مده طوييييييييييييييله بعدين راح تتزوجون وانتي بس انحجزتي إلا شوفي النصيب الحلو كيف جا واخاف ازعل عمتك .....

والله حزنت على حزن أمي مابي اشوفها كذا
لأني قبل كل الي يخطبوني مو من مواخيذنا وبس انحجزت اغلب الي يخطبوني ماشاء الله

قال لي ابوي شوفي الي يصلح لك قولي لنا وانا يابنات ماااااأحب خطيبي ابدااااااااااااا مدري ليش انقرررررف منه مرررره مدري شعوري طبيعي ولا لا

وللعلم ماعمري جلست معه ولاعمره جاب لي شي اصلا حتى صوته ماعرفه

وقلت حق ابوي هالكلام قال خلاص قولي لصديقتك يجون حياهم الله لاتتعطلين على خطيبك الي ماتدرين متى بيجهز نفسه وبيكون نفسه ومتى بيبني الشقه ومتى ومتى ...............

اول شي وش رايكم كل وحده تتخيل نفسها بمكاني ..
ترضين بواحد يقرب لك مرره حتى لو زواجكم بعد 3 أو 4 سنوات وانتي مو متقبلته وترضين فيه بس عشانه ولد قرايبك ....؟؟
ثاني شي
منحرررجه كيف اقولها تعالو ..كأني اقول تعالي اخطبيني وربي احراج كذا

لاتهملون موضوعي ارجوكم

كل وحده تــدخل وتتخــيل نفسهــآ بـ مكآني ..

التعليقات

كل وحده بحياتها شخص نرجسي او متسلط لاتفوتي مقطع 📖📷

كل وحده تقولنا وش تنسيقاتها وكشختها للعيد 👗

كل وحده تسدح رايها تكفون شاركوا

كل وحده تمر من هنا تدخل💔.

الله يسعد كل وحده تدخل وتطمني 🥺🤍